Жиззахда Самарқанд давлат тиббиёт университети филиали ташкил этилиши кутилмоқда

© Фарғона вилояти хокимлигиМарказий Осиё тиббиёт университети
Марказий Осиё тиббиёт университети  - Sputnik Ўзбекистон, 1920, 07.01.2023
Oбуна бўлиш
2023/2024 ўқув йилидан Жиззах давлат педагогика университетининг "Даволаш иши" ва "Педиатрия иши" бакалавриат таълим йўналишида таҳсил олаётган талабаларга ўқишини Самарқанд давлат тиббиёт университетининг Жиззах филиалида давом эттиришларига рухсат берилади.
ТОШКЕНТ, 7 янв — Sputnik. Самарқанд давлат тиббиёт университетининг Жиззах филиали ташкил этилади. Бу ҳақда Соғлиқни сақлаш вазирлиги ишлаб чиққан қарор лойиҳасида назарда тутилган.
Жиззах шаҳрида Самарқанд давлат тиббиёт университетининг Жиззах филиали ҳамда Жиззах вилоятида энг замонавий асбоб-ускуналар билан жиҳозланган вилоят Болалар диагностика маркази ташкил этилади.
Филиалда хорижнинг илғор олий таълим муассасалари билан ҳамкорлик асосида тажриба алмашиш дастурларини йўлга қўйиш назарда тутилмоқда. Шунингдек, таълим жараёнига замонавий педагогик ва ахборот- коммуникация технологиялари, илм-фан ва техниканинг янги ютуқларини жорий этиш ҳамда етакчи хорижий олим ва мутахассислар жалб қилиш ҳам кўзда тутилмоқда.
2023/2024 ўқув йилидан Жиззах давлат педагогика университетининг "Даволаш иши" ва "Педиатрия иши" бакалавриат таълим йўналишида таҳсил олаётган талабаларга ўқишини Самарқанд давлат тиббиёт университетининг Жиззах филиалида давом эттиришларига рухсат берилади.
Таъкидланишича, вилоятда болаларда учрайдиган турли касаллик ва нуқсонларни эрта аниқлаш ва ташхис қўйиш ишлари яхши ташкил этилмаганлиги сабабли гўдаклар касалланиши сони ортиб бомоқда.

Мазкур ҳужжат қабул қилинса, вилоятда болаларга кўрсатилаётган тиббий хизматнинг сифати ва самарадорлигини ошади, болаларга касалликларни эрта аниқлашга имконият яратилади.

Лойиҳани тайёрлашда қатор давлатлар, хусусан, Россия, Беларусь, Жанубий Корея, Германия, Хитой ва бошқа мамлакатлар тажрибаси ўрганилган.
Янгиликлар лентаси
0