Термизда Халқаро савдо маркази очилди

© Торгпредство России в УзбекистанеМеждународный торговый центр открылся в Термезе.
Международный торговый центр открылся в Термезе. - Sputnik Ўзбекистон, 1920, 29.12.2022
Oбуна бўлиш
Марказнинг ишга туширилиши Афғонистон билан савдо айланмасини 1,2 миллиард долларга етказишга хизмат қилади.
ТОШКЕНТ, 29 дек — Sputnik. 27 декабрь куни Термизда Ўзбекистон ва Афғонистон чегарасида халқаро савдо маркази очилди. Бу ҳақда Россиянинг Ўзбекистондаги савдо ваколатхонаси маълум қилди.
Марказнинг 4000 дўконга мўлжалланган савдо майдонида тадбиркорлар учун блоклар мавжуд. Бундан ташқари, мажмуада ишлаб чиқариш-логистика зонаси, тиббиёт пункти ва ресторан учун жойлар ажратилган.
Ҳозирча фақат биринчи босқич очилди, лойиҳа 2023 йилнинг биринчи чорагида тўлиқ ишга туширилиши режалаштирилган. Унда жами 1800 та савдо нуқталари, шунингдек, 300 ўринли меҳмонхона мавжуд бўлади.
Хорижий фуқаролар ва юридик шахслар мажмуа ҳудудидаги савдо майдончаларини харид қилиши ёки уларни ижарага олишлари, шу жумладан текинга ҳам олишлари мумкин бўлади. Афғонистон фуқаролари ушбу мажмуада тижорий мақсадларда 10 кунгача визасиз қолишлари мумкин бўлади.
Мажмуанинг йиллик айланмаси 500 миллион долларни, ундаги хизматлар ҳажми эса 10 миллион долларни ташкил этиши кутилмоқда. Лойиҳага 75 миллион доллардан ортиқ сармоя киритилди.
Марказнинг ишга туширилиши Афғонистон билан савдо айланмасини 1,2 миллиард долларга етказишга хизмат қилади.
Янгиликлар лентаси
0