https://sputniknews.uz/20221229/ozbekistonning-yangi-avlod-darsliklari-qanday-boladi---foto--31131719.html

Ўзбекистоннинг янги авлод дарсликлари қандай бўлади – фото

Ўзбекистоннинг янги авлод дарсликлари қандай бўлади – фото

Sputnik Ўзбекистон

Янги авлод дарсликлари: эндиликда ўқувчиларга нафақат фанлар, балки ҳаётий кўникмалар ҳам ўргатилади. 29.12.2022, Sputnik Ўзбекистон

2022-12-29T10:46+0500

2022-12-29T10:46+0500

2022-12-29T11:09+0500

жамият

мактаб

кўргазма

китоб

https://cdn1.img.sputniknews.uz/img/07e6/0c/1d/31130314_0:67:1280:787_1920x0_80_0_0_2dbdce278588bfc4a0c225ea214088a8.jpg

ТОШКЕНТ, 29 дек — Sputnik. Эндиликда мактаб ўқувчилари учун тайёрланган янги дарсликларда нафақат фанлар, балки 21-асрда зарур бўлган ҳаётий кўникмалар ҳам ўргатилади. Улар Халқаро конгресс марказида бошланғич синфлар учун ишлаб чиқилган янги авлод дарсликлари тақдимотида намойиш этилди.Янги авлод дарсликлари тақдимотида ўқув-методик комплекслар (ЎМК) асосини Танқидий фикрлаш, Жамоавий ишлаш, Ижодкорлик (Креативлик) ва Мулоқот қилиш кўникмаларини ривожлантириш (4К) тамойили ташкил этади.Уларни ишлаб чиқишда халқаро дастурлар томонидан ўқувчиларнинг муваффақиятларини баҳолашда қўлланиладиган намунавий топшириқлар ўрганиб чиқилди ва асос қилиб олинди (PISA, PIRLS, TIMSS, EGMA, EGRA).Ўқув методик комплекслар фаол ўқув жараёни учун тўлиқ материаллар тўплами: дарсликлар, машқ дафтарлари, ўқитувчилар учун услубий қўлланмаларни ўз ичига олади.Шунингдек, Estudy электрон таълим платформаси ҳам ушбу тизимга уйғун тарзда қиритилган. У математика, табиатшунослик, информатика каби фанлар бўйича ўқув курсларни ҳамда эгалланган билимларни мустаҳкамлаш учун 300 дан зиёд онгни оширадиган ўйинли вазифаларни ўз ичига олади.Платформадан дарс давомида ҳам, бўш вақтда ҳам фойдаланиш мумкин. Ўқувчилар унинг ёрдамида ўзлаштирган материални мустаҳкамлаш билан бирга, мустақил равишда дастурдан илгарилаб кетишлари ҳам мумкин. Платформа TAS-IX тармоғида жойлаштирилган, бу эса ундан бепул фойдаланиш имконини беради.Ўқув-методик комплекслар Android, IOS платформалари ва "Математика" ва "Алифбо" мобиль иловалари учун ўзбек ва рус тилларида онгни ўстирадиган ўйинлар тўпламига эга интерфаол ўқув дастурини ҳам ўз ичига олади.1-3 синфлар учун тақдим этилган дарсликларнинг бир қисми, хусусан, тасвирий санъат, ўзбек тили ва мусиқий саводхонлик бўйича китоблар кенгайтирилган реаллик технологияларидан фойдаланилган ҳолда ишлаб чиқилган.Бу ўқувчиларни фанга янада кўпроқ қизиқтириш ҳамда бугунги ўсмирлар ҳаётида муҳим бўлган гаджетларни фойдали воситага айлантириш мақсадида ишлаб чиқилди. Кенгайтирилган реаллик иловаси 1 марта юклаб олинади ва офлайн режимида ишлайди.Айни дамда китоблар ёш психологиясини ҳисобга олган ҳолда, ишлаб чиқилган. Масалан, биринчи синфда таълим жараёнига кўпроқ ўйин орқали ёндашилади, маълумотлар асосан кўрсатиш-визуал тарзда етказилади.

2022

Янгиликлар

uz_UZ

жамият, мактаб, кўргазма, китоб