"Ямал" авиакомпанияси Санкт-Петербургдан Ўзбекистон шаҳарларига парвозларни бошлайди

© Sputnik / Александр Кряжев / Медиабанкка ўтишСамолет авиакомпании "Ямал"
Самолет авиакомпании Ямал  - Sputnik Ўзбекистон, 1920, 22.12.2022
Oбуна бўлиш
Авиакомпания Санкт-Петербургни Наманган ва Урганч билан боғлайди. Парвозлар ҳафтада бир марта амалга оширилади.
ТОШКЕНТ, 22 дек — Sputnik. Россиянинг “Ямал” авиакомпанияси Санкт-Петербургнинг Пулково аэропортидан Ўзбекистонга иккита янги йўналиш очди. Бу ҳақда Пулково аэропортини бошқарувчи “Воздушные Ворота Северной Столицы” компанияси матбуот хизмати хабар берди.
“Қишки парвозлар дастури доирасида “Ямал” авиакомпанияси Пулково аэропортидан Ўзбекистонга тўғридан-тўғри парвозларни амалга ошира бошлади. Ҳаво йўналишлари Санкт-Петербург ва республиканинг иккита йирик шаҳри: Наманган ва Урганчни боғлайди”, - дейилади компания хабарида.
Наманганга парвозлар ҳафтада бир марта шанба кунлари, Урганчга эса пайшанба кунлари амалга оширилади.
Жадвалга кўра, Намангандан Санкт-Петербургга келиш соат 19:55 да, Пулково аэропортидан Наманганга учиш 22:50 да белгиланган. Урганчдан парвоз қилиш соат 12:35 да, Урганчга учиш соат 14:00 да белгиланган.
Парвозлар Airbus A321самолётида амалга оширилади.
Аввалроқ “Ямал” авиакомпанияси Наманган ва Самарқандни Москва билан тўғридан-тўғри рейслар орқали боғлаган эди. Кейинроқ компания Урганчдан Москвага ҳам парвозлар йўлга қўйди.
Янгиликлар лентаси
0