Президент 2023 йил номини эълон қилди
11:20 20.12.2022 (янгиланди: 13:53 21.12.2022)
© Пресс-служба президента Узбекистана
Oбуна бўлиш
Йил номини президент 20 декабрь куни Олий Мажлисга йўллаган мурожаатномасида маълум қилди.
ТОШКЕНТ, 20 дек — Sputnik. Шавкат Мирзиёев 2023 йилни "Инсонга эътибор ва сифатли таълим" йили деб эълон қилди. Йил номи президентнинг 20 декабрь куни Олий Мажлисга йўллаган мурожаатномасида маълум қилинди.
"Нима учун йилга бундай ном бераяпмиз? Биз Ўзбекистонда олиб борилаётган давлат сиёсатининг марказида инсон ва унинг манфаатларини таъминлашни устувор вазифа этиб белгиладик. Аслида ҳам, бизнинг энг бебаҳо бойлигимиз, бу – бунёдкор халқимиз, дуогўй ота-оналаримиз, навқирон авлодимиз эмасми? Шу юртда яшаётган ҳар бир инсоннинг тинч ва бахтли ҳаёт кечириши, унинг соғлиғи жойида бўлиши, яхши таълим олиши, оиласини тебратиши учун қандай шароит керак бўлса, ҳаммасини яратиб беришга ҳаракат қилаяпмиз ва бу йўлдан асло тўхтамаймиз", - деди давлат раҳбари.
Йил якунида президентнинг Олий Мажлисга Мурожаатномаси - мамлакат ҳаётида муҳим воқеадир. Мурожаатномада йилнинг асосий кўрсаткичлари, эришилган ютуқлар ҳамда олдинга қўйилган мақсад ва вазифалар белгилаб олинади. Шунингдек келаётган янги йилнинг номи ҳам эълон қилинади.
Ўзбекистонда ҳар бир йилни ҳаётнинг маълум бир соҳасига бағишлаш анъанаси 1997 йилдан буён амалга оширилиб келинмоқда. Шавкат Мирзиёев ушбу анъанани 2018 йилдан буён давом эттириб келмоқда.
Ўтган йилларда Ўзбекистонда тадбиркорлик ва инновацион ғояларини қўллаб-қувватлаш, инвестициялар ҳамда ижтимоий ривожланиш, илм-фан ва рақамли иқтисодни ривожлантириш, ёшларни қўллаб-қувватлаш ва аҳоли саломатлигини мустаҳкамлаш ҳамда инсон манфаатларини таъминлаш ва маҳаллани мустаҳкамлаш каби эзгу мақсадлар қўйилган эди.
Ўзбекистонда ҳар бир йилни ҳаётнинг маълум бир соҳасига бағишлаш анъанаси 1997 йилдан буён амалга оширилиб келинмоқда. Шавкат Мирзиёев ушбу анъанани 2018 йилдан буён давом эттириб келмоқда.
Ўтган йилларда Ўзбекистонда тадбиркорлик ва инновацион ғояларини қўллаб-қувватлаш, инвестициялар ҳамда ижтимоий ривожланиш, илм-фан ва рақамли иқтисодни ривожлантириш, ёшларни қўллаб-қувватлаш ва аҳоли саломатлигини мустаҳкамлаш ҳамда инсон манфаатларини таъминлаш ва маҳаллани мустаҳкамлаш каби эзгу мақсадлар қўйилган эди.
