Ўқитувчиларга қўшимча ишларни юклайдиганлар жиноий жавобгарликка тортилиши мумкин

© Depositphotos.com / BlazeofgloryУчитель пишет у доски в школе
Учитель пишет у доски в школе - Sputnik Ўзбекистон, 1920, 18.12.2022
Oбуна бўлиш
Саида Мирзиёеванинг маълум қилишича, ўқитувчиларга вазифасидан ташқари ишларни юклайдиганларни ҳам маъмурий, жиноий жавобгарликка тортишни назарда тутувчи қонун ишлаб чиқилган.
ТОШКЕНТ, 18 дек — Sputnik. Ўқитувчиларга вазифасидан ташқари ишларни юклайдиганларни маъмурий ва жиноий жавобгарликка тортиш бўйича қонун лойиҳаси ишлаб чиқилди ва тез орада қабул қилиниши кутиляпти. Бу ҳақда Президент администрацияси ижро этувчи аппаратининг Коммуникациялар ва ахборот сиёсати бўйича шўъба мудири Саида Мирзиёева маълум қилди.
“Афсуски, фарзандларимизга таълим бераётган ўқитувчилар йиллар давомида ҳақ-ҳуқуқсиз, ҳимоясиз, қадрсиз бўлди. Улардан боғбон, фаррош, мактабга келган комиссияларга хизмат кўрсатувчи официант, зерикарли тадбирларда бўш залларни тўлдирувчи “массовка”, матбуот нашрларига мажбурий обуначи, тунги навбатчи ва мактаб қоровули сифатида фойдаланилди. Энди бу ишларни тўхтатиш вақти келди. Чунки ўқитувчилар қадрини кўтармас эканмиз, ҳеч нарсага эриша олмаймиз”, - дея ёзди у ўзининг телеграм каналида.
Аввалроқ Мирзиёева тармоқларда тарқалган мактаб ўқитувчилари ҳудуддаги хонадонларда яшовчи мактаб ёшидаги болалар тўғрисида маълумот йиғаётгани ҳақидаги хабарга муносабат билдириб, ўқитувчиларга бўлган муносабатни қайта кўриб чиқиш ўта зарур деб ҳисоблаши ва мутасаддилардан уларнинг зиммасига кераксиз ва ноқонуний вазифалар юклашни бас қилишларини сўраган эди.
Янгиликлар лентаси
0