Пара сузиш: Ўзбекистонлик спортчилар Мисрда 2та олтин медални қўлга киритишди

© Спортни ривожлантириш вазирлиги Пара сузиш бўйича Қоҳира очиқ чемпионати
Пара сузиш бўйича Қоҳира очиқ чемпионати - Sputnik Ўзбекистон, 1920, 01.12.2022
Oбуна бўлиш
Терма жамоанинг Қоҳира очиқ чемпионатида қўлга киритган медаллари сони 3тага етди.
ТОШКЕНТ, 1 дек — Sputnik. Ўзбекистонлик спортчилар пара сузиш бўйича Қоҳира очиқ чемпионатида 2та олтин медални қўлга киритишди. Бу ҳақида Спортни ривожлантириш вазирлиги хабар берди.
Айни кунларда Миср пойтахти Қоҳира шаҳрида пара сузиш бўйича Қоҳира очиқ чемпионати ўтказилмоқда.
Эркаклар ўртасида S6 классида 50 метрга batterflyay усулда сузиш баҳсларида Сардор Бахтиёров 37.63 сония натижа билан маррага биринчи бўлиб етиб келди ва олтин медалга сазовор бўлди.
Бу спортчининг мусобақадаги иккинчи медали бўлди. У бундан олдин 100 метрга эркин усулда сузиш баҳсларида кумуш медални қўлга киритган эди.
Шунингдек, аёллар S6 классида 50 метрга batterflyay усулда сузиш баҳсларида Азизахон Каримова 1 дақиқа 23 сония натижа билан навбатдаги олтин медални қўлга киритди.
Шу тариқа, терма жамоанинг Қоҳира очиқ чемпионатида қўлга киритган медаллари сони 3тага етди - 1 та кумуш ва 2 та олтин.
Янгиликлар лентаси
0