Россия стратегик барқарорлик бўйича музокара бошлаш учун АҚШга шарт қўйди

© Sputnik / Евгений ОдиноковЗдание Министерства иностранных дел РФ в Москве
Здание Министерства иностранных дел РФ в Москве - Sputnik Ўзбекистон, 1920, 30.11.2022
Oбуна бўлиш
Москва музокараларни бошлаш учун Вашингтонда муносиб шерик бўлиши кераклигини таъкидламоқда.
ТОШКЕНТ, 30 ноя — Sputnik. Россия ва АҚШ ўртасида стратегик барқарорлик бўйича ҳақиқий мулоқот Вашингтонда муносиб шерик топилса ва хавфсизлик соҳасида Москванинг “қизил чизиқлари”ни кесиб ўтмасликка розилик намоён этилса, бошланиши мумкин.
Бу ҳақда Россия Ташқи ишлар вазирлигининг Ядро қуролларини тарқатмаслик ва назорат қилиш департаменти директори Владимир Ермаков РИА Новости агентлигига берган интервьюсида маълум қилди.
“Аслида, биз ҳеч қачон мулоқотдан бош тортмаганмиз. Шу билан бирга, ҳақиқий мулоқот фақат бошқа томонда муносиб шерик бўлса мумкин. Бу эса Қўшма Штатларнинг ҳақиқий тенглик тамойиллари ва манфаатларимизни ҳурмат қилиш ва хавфсизлик соҳасида бизнинг “қизил чизиқлар”имизни кесиб ўтмасликка тайёрлик асосида жиддий суҳбат учун “етилишини” талаб қилади”, - дейди Ермаков.
Аввалроқ АҚШнинг Россиядаги муваққат ишлар вакили Элизабет Руд РИА Новости агентлигига Вашингтон қурол-яроғни назорат қилиш тарафдори эканини таъкидлаб, унинг сўзларига кўра, Украина атрофидаги вазият сабаб тўхтатилган стратегик барқарорлик бўйича Москва билан мулоқотни қайта тиклаш имкониятини кутаётганини маълум қилганди.
Россия 24 февралдан буён Украинада махсус ҳарбий операция олиб бормоқда. Россия президенти Владимир Путин унинг асосий вазифасини “Киев режими томонидан саккиз йил давомида таҳқирлаш, геноцидга учраган одамларни ҳимоя қилиш” деб атаган. Мамлакат Қуролли кучлари олдида Донбассни озод қилиш ва Россия хавфсизлигини кафолатлаш турибди.
Янгиликлар лентаси
0