Россияда миграцияни рўйхатга олишнинг электрон тизими ишга тушди

© Sputnik / Денис ГришкинПосетитель в многофункциональном миграционном центре Москвы близ деревни Сахаров
Посетитель в многофункциональном миграционном центре Москвы близ деревни Сахаров - Sputnik Ўзбекистон, 1920, 24.11.2022
Oбуна бўлиш
Электрон тизим хорижликлар ва россияликларнинг барча миграцион ҳаракатларини кузатиб бориш имконини беради.
ТОШКЕНТ, 24 ноя - Sputnik. Россияда миграцияни рўйхатга олиш электрон тизими ишга тушди. Бу ҳақида Ички ишлар вазирлиги Миграция бош бошқармаси раҳбари Валентина Казакова маълум қилди.
Унинг ёрдамида хорижликлар ва россияликлар олдин ва ҳозир рўйхатга турган жойлари бўйича электрон досьени олиш мумкин.
"Ички ишлар вазирлиги миграцияни электрон рўйхатга олиш бўйича давлат ахборот тизимини қабул қилди. Бу жуда муҳим ахборот маҳсулоти бўлиб, у Россия ва чет эл фуқаролари ҳақида электрон маълумотларни олиш имконини беради", - деди у "Россия Сегодня" ахборот агентлигида бўлиб ўтган брифингда.
Казакова айтишига кўра, янги ишга тушган электрон тизим мигрантлар Россиянинг барча ҳудуларидаги миграцион ҳаракатларини кузатиб бориш имконини беради. Шунингдек, бу давлат хизматларини “тезроқ ва сифатли” олиш имконини ҳам беради.
Эслатиб ўтамиз, бирз олдин Россия ИИВ раҳбари Владимир Колокольцев бугунги кунда РФда 6 миллионга яқин хорижий фуқаролар борлиги ва улардан 9% ноқонуний яшаётгани ҳақида хабар қилган эди.
Янгиликлар лентаси
0