https://sputniknews.uz/20221116/ozbekiston-30026799.html
Ўзбекистон СОР27 да Минтақавий иқлим кенгаши тузишни таклиф қилди
Ўзбекистон СОР27 да Минтақавий иқлим кенгаши тузишни таклиф қилди
Sputnik Ўзбекистон
Сенат раиси бошчилигидаги Ўзбекистон делегацияси Мисрдаги халқаро конференцияда иштирок этмоқда. 16.11.2022, Sputnik Ўзбекистон
2022-11-16T11:37+0500
2022-11-16T11:37+0500
2022-11-16T11:37+0500
сиёсат
танзила норбоева
миср
иқлим ўзгариши
https://cdn1.img.sputniknews.uz/img/07e6/0b/10/30026645_0:180:3073:1908_1920x0_80_0_0_bace56be7f64f7debfe01d0752e311c7.png
ТОШКЕНТ, 16 ноя — Sputnik. Ўзбекистон халқаро ҳамжамият билан фаол ҳамкорлик қилишга тайёр ва Минтақавий иқлим кенгашини ташкил этади. Бу ҳақда Олий Мажлис Сенати раиси Танзила Нарбаева Мисрнинг Шарм аш-Шайх шаҳрида ўтказилаётган БМТнинг иқлим ўзгариши бўйича доиравий конвенцияси (СОР27) томонларининг 27-конференциясида сўзлаган нутқида маълум қилди.Нарбаева Минтақавий иқлим кенгаши иқлимга мослашиш бўйича лойиҳаларни тарғиб қилишда, чўлланиш ва ерларнинг деградациясига қарши курашишда, сувни тежовчи технологияларни жорий этишда ҳамкорлик самарадорлигини ошириш имконини беришини таъкидлади.Парламент юқори палатаси раиси ўз нутқида биргаликдаги саъй-ҳаракатлар билангина оқибатлари Марказий Осиёда ҳам яққол кузатилаётган иқлим ўзгариши муаммосига қарши туриш мумкинлигини таъкидлади.Қайд этилишича, келаси йили Ўзбекистонда чўлланишга қарши курашиш ва ёввойи ҳайвонларнинг кўчиб юрувчи турларини сақлаш бўйича БМТнинг иккита йирик тадбирини ўтказиш режалаштирилмоқда.Нарбаевага кўра, Париж битими доирасида Ўзбекистон 2030 йилгача ЯИМ бирлигига парник газлар чиқаришни 35 фоизга камайтириш мажбуриятини яна бир бор тасдиқлайди. Ушбу мақсадларга эришиш учун қайта тикланадиган энергия манбаларини жорий этиш бўйича кенг кўламли дастурлар амалга ошириш бошланди.2026 йилга келиб “яшил” энергетика улушини 8 минг МВтга етказиш режалаштирилмоқда, бу эса карбонат ангидрид гази чиқаришни 5 млн тоннага камайтириш имконини беради. 2030 йилга келиб иқтисодиётнинг энергия самарадорлигини икки баравар ошириш, қайта тикланадиган энергия улушини эса камида 25 фоизга етказиш режалаштирилган.Ҳар йили 200 млн туп дарахт ва бута экишни назарда тутувчи “Яшил макон” умуммиллий лойиҳаси кўп жиҳатдан республикада иқлим ўзгариши оқибатларини юмшатишга ва уларга мослашишга хизмат қилади. Лойиҳа йилига 200 млн туп дарахт ва буталарни экишни назарда тутади. Натижада беш йилдан сўнг шаҳарлардаги кўкаламзор майдонлар ҳозирги 8 фоиздан 30 фоизга ошади.Ўзбекистон Орол денгизи инқирози билан боғлиқ муаммоларни ҳал этиш бўйича қатъий чоралар кўрмоқда. Сўнгги беш йилда Орол денгизининг қуриган тубида 1,7 млн гектардан ортиқ ўрмон плантациялари барпо этилган бўлса, 2026 йилга келиб бу кўрсаткич 2,5 млн гектаргача ёки ҳудуднинг қарийб 80 фоизини ташкил этади. БМТ Бош Ассамблеясининг махсус резолюцияси билан Оролбўйи минтақаси экологик инновациялар ва технологиялар зонаси деб эълон қилинди.
миср
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
сиёсат, танзила норбоева, миср, иқлим ўзгариши
сиёсат, танзила норбоева, миср, иқлим ўзгариши
Ўзбекистон СОР27 да Минтақавий иқлим кенгаши тузишни таклиф қилди
Сенат раиси бошчилигидаги Ўзбекистон делегацияси Мисрдаги халқаро конференцияда иштирок этмоқда.
ТОШКЕНТ, 16 ноя — Sputnik. Ўзбекистон халқаро ҳамжамият билан фаол ҳамкорлик қилишга тайёр ва Минтақавий иқлим кенгашини ташкил этади. Бу ҳақда Олий Мажлис Сенати раиси Танзила Нарбаева Мисрнинг Шарм аш-Шайх шаҳрида ўтказилаётган БМТнинг иқлим ўзгариши бўйича доиравий конвенцияси (СОР27) томонларининг 27-конференциясида сўзлаган нутқида
маълум қилди. Нарбаева Минтақавий иқлим кенгаши иқлимга мослашиш бўйича лойиҳаларни тарғиб қилишда, чўлланиш ва ерларнинг деградациясига қарши курашишда, сувни тежовчи технологияларни жорий этишда ҳамкорлик самарадорлигини ошириш имконини беришини таъкидлади.
Парламент юқори палатаси раиси ўз нутқида биргаликдаги саъй-ҳаракатлар билангина оқибатлари Марказий Осиёда ҳам яққол кузатилаётган иқлим ўзгариши муаммосига қарши туриш мумкинлигини таъкидлади.
“Ўзбекистоннинг асосий мақсади – амалга оширилаётган таркибий ислоҳотларга “яшил” иқтисодиёт тамойилларини жорий этиш орқали иқтисодий тараққиётга эришишдир. Бу йўналишда иқтисодиётнинг барча секторларида углероддан камроқ фойдаланишга ўтиш ва ресурсларни тежаш, самарали ва экологик тоза технологияларни жорий этиш устувор йўналиш ҳисобланади”, - дейди Танзила Нарбаева.
Қайд этилишича, келаси йили Ўзбекистонда чўлланишга қарши курашиш ва ёввойи ҳайвонларнинг кўчиб юрувчи турларини сақлаш бўйича БМТнинг иккита йирик тадбирини ўтказиш режалаштирилмоқда.
Нарбаевага кўра, Париж битими доирасида Ўзбекистон 2030 йилгача ЯИМ бирлигига парник газлар чиқаришни 35 фоизга камайтириш мажбуриятини яна бир бор тасдиқлайди. Ушбу мақсадларга эришиш учун қайта тикланадиган энергия манбаларини жорий этиш бўйича кенг кўламли дастурлар амалга ошириш бошланди.
2026 йилга келиб “яшил” энергетика улушини 8 минг МВтга етказиш режалаштирилмоқда, бу эса карбонат ангидрид гази чиқаришни 5 млн тоннага камайтириш имконини беради. 2030 йилга келиб иқтисодиётнинг энергия самарадорлигини икки баравар ошириш, қайта тикланадиган энергия улушини эса камида 25 фоизга етказиш режалаштирилган.
Ҳар йили 200 млн туп дарахт ва бута экишни назарда тутувчи “Яшил макон” умуммиллий лойиҳаси кўп жиҳатдан республикада иқлим ўзгариши оқибатларини юмшатишга ва уларга мослашишга хизмат қилади. Лойиҳа йилига 200 млн туп дарахт ва буталарни экишни назарда тутади. Натижада беш йилдан сўнг шаҳарлардаги кўкаламзор майдонлар ҳозирги 8 фоиздан 30 фоизга ошади.
Ўзбекистон Орол денгизи инқирози билан боғлиқ муаммоларни ҳал этиш бўйича қатъий чоралар кўрмоқда. Сўнгги беш йилда Орол денгизининг қуриган тубида 1,7 млн гектардан ортиқ ўрмон плантациялари барпо этилган бўлса, 2026 йилга келиб бу кўрсаткич 2,5 млн гектаргача ёки ҳудуднинг қарийб 80 фоизини ташкил этади. БМТ Бош Ассамблеясининг махсус резолюцияси билан Оролбўйи минтақаси экологик инновациялар ва технологиялар зонаси деб эълон қилинди.
