Махсус операция: 11 ноябрнинг асосий хабарлари
15:22 12.11.2022 (янгиланди: 18:41 05.04.2023)
© Sputnik / © Sputnik / РИА Новости / Перейти в фотобанк
Oбуна бўлиш
Россия Қуролли кучларининг 30 минг аскари ва 5 мингга яқин ҳарбий техникаси Днепр дарёсинининг чап қирғоғига йўқотишсиз ўтказилди.
ТОШКЕНТ, 12 ноя - Sputnik. Россия Федерацияси томонидан ўтказилаётган махсус операциянинг ўтган сутка давомида содир бўлган асосий воқеалари.
Россия Мудофаа вазирлиги баёноти:
️Херсон йўналишида Россия қўшинлари бўлинмаларини Днепр дарёсининг чап қирғоғига кўчириш операцияси 11 ноябрь куни тонг соат 05:00 да якунланди.
Днепр дарёсининг чап қирғоғига жами 30 минг нафар шахсий таркиб ҳамда 5 мингга яқин ҳарбий техника бирликлари кўчириб ўтказилди.
Қайта дислокация қилиш давомида қўшинлар ва техника орасида йўқтишлар бўлмади. Қўшинлар олдиндан тайёрланган позицияларга жойлашди.
К️ўчиш давомида Россия артиллерияси, авиацияси душманни Днепрдан ўтиш жойидан 30-40 километр масофада тўхтатиб турди.
Қ️ўшинлар эвакуацияси давомида РФ Қуролли Кучлари Украинанинг томонидан учирилган 33 та HIMARS ракетасини қайтарди.
Россия қўшинларининг Днепрдан ўтишига халал берган ️20 дан ортиқ украиналик ҳарбий хизматчилар мина майдонларда портлаб кетди.
️Жанубий-Донетск йўналишида қарши ҳужумга ўтмоқчи бўлган 65 дан ортиқ украиналик ҳарбий хизматчи ҳалок бўлди.
️Красно-Лиманский йўналишида Россия қуролли кучлари Украина армиясининг иккита моторли пиёда ротаси ва полшалик ёлланма аскарларнинг ҳужумини бартараф этди, 90 нафаргача жангари ҳалок бўлди ва яраланди.
️Украина қўшинлари Нова Каховка аҳоли пункти чеккасига ҳужум қилди, тинч аҳоли турар-жой биноларини вайрон қилди, деди шаҳар ҳокимияти.
️Узоқ қамалдан сўнг, Авдеевка мустаҳкамланган ҳудудининг жанубий қисмига яқинлашишларни қоплаган Опитное қишлоғидан Украина қуролли тузилмалари қочиб кетди.
Россия Аэрокосмик кучларининг қирувчи самолётлари Запороже вилояти Мировка қишлоғи яқинида Украина ҳарбий-ҳаво кучларининг Ми-8 вертолётини уриб туширди.
ЛХР Ҳаво ҳужумидан мудофаа тизимлари Голиково, Краснореченское, Кривошеевка, ДХРнинг Макаровка, Николскоэ ва Кирилловка аҳоли пунктлари ҳудудларида бир суткада еттита учувчисиз учиш аппаратини уриб туширди.
Махсус ҳарбий операция бошлангандан бери Украинанинг жами 333 та самолёти, 174 та вертолёти, 2486 та учувчисиз учиш аппарати, 388 та зенит-ракета мажмуаси, 6511 та танки ва бошқа зирҳли жанговар техникалар, 885 та кўп ракета тизимларига, 3569 та майдон артиллерия қуроллари ва миномётлари, шунингдек, 7166 дона махсус ҳарбий машиналари йўқ қилинди.
