Ёғингарчилик 2022-2023 йиллар учун қиш мавсумини очиб берди – тафсилотлар.
ТОШКЕНТ, 10 ноя — Sputnik. Ўзбекистонда уч кунлик ёғингарчиликдан сўнг тоғларда 20 см қалинликдаги қор қоплами ҳосил бўлди. Бу ҳақда Ўзгидромет хабар берди.
Қайд этилишича, уч кунлик ёғингарчилик 2022-2023 йиллар учун қиш мавсумини очиб берди.
“Ҳаммаси бўлиб 46 мм аралаш ёғингарчилик ёғди ва тахминан 20 см қалинликдаги қор қоплами ҳосил бўлди. Ноябр ойининг биринчи ўн кунлигида ёмон эмас, лекин 2014 ва 2015 йилларда мазкур кўрсатгич 24 ва 29 см қор бўлганиданда кўпроқ бўлганди”, - дейилади хабарда.
Эслатиб ўтамиз, 7 ноябрда тоғолди ва тоғли ҳудудларда ёққан ёмғир қорга айланди ва ҳарорат -2 даражага тушиб кетди.
