Ўзбекистонлик йигитга Россиянинг “Оташин юрак” мукофоти топширилди

© Фонд социально-культурных инициативЛауреат Всероссийской общественно-государственной инициативы "Горячее сердце", узбекистанец Мирзаулугов Шахзод Бехзод оглы.
Лауреат Всероссийской общественно-государственной инициативы Горячее сердце, узбекистанец Мирзаулугов Шахзод Бехзод оглы. - Sputnik Ўзбекистон, 1920, 08.11.2022
Oбуна бўлиш
“Оташин юрак” - бутунроссия жамоат-давлат ташаббуси 2013 йилдан Россия ичида 2020 йилдан халқаро миқёсда амалга ошириб келинмоқда.
ТОШКЕНТ, 8 ноя - Sputnik. Тошкентдаги "Рус уйи"да дарёда чўкаётган болани қутқарган ўзбекистонлик йигитга “Оташин юрак” кўкрак нишонини тантанали топшириш маросими бўлиб ўтди, деб хабар бермоқда “Россотрудничество” ваколатхонаси матбуот хизмати.
“Тошкентдаги Рус уйи раҳбари Михаил Вождаев ўзининг табрик сўзида Шаҳзодга кўрсатган жасорати учун миннатдорлик билдириб, у каби қаҳрамонлар Россияда ҳам, Ўзбекистонда ҳам борлигини таъкидлади”, - дейилади матбуот хизмати хабарида.
Аввал хабар берганимиздек, жорий йилнинг баҳорида Шаҳзод Беҳзод ўғли Мирзаулуғов Зарафшон тизмасида дам олаётган вақтида дарё сувида чўкаётган болани қутқариб қолган эди. Бола совуқ сувда узоқ чўмилиши оқибатида томири тортишиб, чўка бошлаган.
Талаба йигит жасорати учун “Оташин юрак” Бутунроссия жамоат ва давлат ташаббуси лауреати бўлган эди.
Маълумот учун, Россияда “Оташин юрак” бутунроссия жамоат-давлат ташаббуси 2013 йилдан буён амалга ошириб келинади. Унинг асосий мақсади ўзининг фаол хатти-ҳаракатларини намоён этган, одамларга беғараз ёрдам берган 23 ёшгача бўлган болалар ва ёшларни табриклаш ва уларга миннатдорлик билдиришдир. Барча лауреатларнинг номлари ва жасоратли ҳикоялари ҳар йили чиқадиган “Оташин юрак” Фахрий китобига киритилади
Ташаббусни Ижтимоий-маданий ташаббуслар фонди Россия вазирликлари билан биргаликда амалга оширмоқда. 2020 йилдан буён ташаббус халқаро миқёсда амалга оширилмоқда.
Янгиликлар лентаси
0