Ҳамдўстлик мамлакатлари парламентарийларига МДҲ мукофотлари топширилди

© Совет МПА СНГНаграды МПА СНГ
Награды МПА СНГ - Sputnik Ўзбекистон, 1920, 29.10.2022
Oбуна бўлиш
МДҲ парламентлари кузги сессияда 40 та намунавий ҳужжат қабул қилди.
ТОШКЕНТ, 29 окт — Sputnik. Самарқандда бўлиб ўтган Мустақил давлатлар ҳамдўстлиги Парламентлараро Ассамблеясининг кузги сессиясида Ҳамдўстлик мамлакатлари парламентарийларига МДҲ мукофотлари топширилди.
Мазкур медаль иштирокчиларга парламентаризмни ривожлантириш ва мустаҳкамлашдаги хизматлари, Мустақил Давлатлар Ҳамдўстлиги фаолиятининг ҳуқуқий асосларини ривожлантириш ва такомиллаштириш, халқаро муносабатлар ва парламентлараро ҳамкорликни мустаҳкамлашга қўшган ҳиссаси учун берилди.
Маълумот учун, МДҲ ПА 54-ялпи мажлисида 40 та намунавий ҳужжат қабул қилинди. Шунингдек, иштирокчилари сайловга оид бир қатор намунавий ҳужжатларни кўриб чиқишди.
Бундан ташқари, хавфсизлик, иқтисодий ривожланиш, давлат қурилиши, таълим, маданият, ахборот ва бошқа муҳим соҳаларга оид қонун лойиҳалар муҳокама этилди.
Қолаверса, 2023-2025 йилларга мўлжалланган Ҳамдўстликда намунавий қонун ижодкорлиги режалари ҳақида маълумот берилди.
Эслатиб ўтамиз, аввалроқ Кенгаш тузилганлигининг 30 йиллиги муносабати билан ўзбекистонлик сенаторлар, депутатлар ҳамда вазирлик ва идоралар вакилларига юбилей медаллари ва эсдалик нишонлари топширилган эди.
Янгиликлар лентаси
0