“Азиза” ўзбекча сўзлашувчи биринчи овозли ёрдамчи бўлиши мумкин - видео

© Depositphotos.com / WavebreakmediaМолодой человек смотрит в ноутбук за рабочим столом
Молодой человек смотрит в ноутбук за рабочим столом - Sputnik Ўзбекистон, 1920, 22.10.2022
Oбуна бўлиш
“Азиза”га ўзбек тилини ўргатиш учун камида 270 минг жумла ва 300 минг соат овоз ёзиб олиш керак.
ТОШКЕНТ, 22 окт - Sputnik. Яқин келажакда ўзбекча сўзлашувчи овозли ёрдамчи пайдо бўлиши мумкин. Бу ҳақида журналист Азиза Қурбонова ўз телеграм каналида хабар қилди.
Дунёда оммавий бўлиб улгурган бир неча овозли ёрдамчилар бор. Булар Appleнинг Siri, Яндекснинг Алиса, Google нинг “Ok Google” Амазоннинг Alexa ва бошқа тизимлари.
Лекин уларнинг барчасининг иккита жиддий нуқсони бор: уларнинг бари хусусий компанияларга тегишли ва улар ўзбек тилини билмайди.

“Азиза” эса – Mozilla компанияси томонидан ташкил этилган бепул платформада яратилмоқда ва у ўзбек тилида сўзлашишни билади.

Айни дамда бир гуруҳ ташаббускорлар ўзларининг бўш вақтида “Азиза”га ўзбек тилини ўргатишмоқда. Uzbekvoice cайтида айтилишига кўра, бунинг учун камида 270 минг жумла ва камида 300 минг соат овоз ёзиб олиш керак экан. Ушбу жараёнга ҳар бир киши ўз ҳиссасини қўшиши мумкин. Тафсилотлари билан қуйида танишинг.
Янгиликлар лентаси
0