Мактабларга дарсликларни тезкор равишда етказиш назоратга олинди - ХТВ

© Халқ таълими вазирлиги Мактаб дарсликлари
Мактаб дарсликлари - Sputnik Ўзбекистон, 1920, 07.10.2022
Oбуна бўлиш
Халқ таълими вазирлиги маълум қилишича, яқин йилларда қисқа муддатда бундай катта ҳажмда дарсликлар яратилмаган.
ТОШКЕНТ, 7 окт — Sputnik. Ишлаб чиқарилиши якунига етаётган янги авлод дарсликларини тезкор равишда мактабларгача етказилиши назоратга олинди. Бу ҳақида Халқ таълими вазирлиги хабар берди.
Айтилишича, бу йил 4 та синфда дарсликлар янгиланиб, қарийиб 60 миллион нусха дарсликлар тайёрланмоқда.
“Яқин йилларда қисқа муддатда бундай катта ҳажмда дарсликлар яратилмаган. Албатта дарсликларни тайёрлаш, экспертизадан ўтказиш ва нашр этиш жуда катта жараён бўлиб, машаққатли меҳнатни талаб қилади. Шу билан бирга, нашр этилган дарсликларни ўз вақтида мактабларга етказиш ҳам алоҳида назоратни талаб этади”, дейилади хабарда.
Таъкидланишича, Халқ таълими вазири Бахтиёр Саидов Қашқадарё ва Самарқанд вилоятида Таълим-таъминот ва логистика Давлат унитар корхонасининг ҳудудий филиалларида бўлди.
Унда дарсликларни қабул қилиш, сақлаш ва мактабларга тарқатиш жараёнларини ўрганди ҳамда мутасаддиларга ҳудудий филиал (база)га етказилган дарсликларни тезкор тарзда тақсимот асосида мактабларга етказиш, бунинг учун қўшимча ресурс ва техникаларни жалб этиш топшириғини берди.
Мазкур масала назоратга олиниши натижасида бир кунда Қашқадарёда 350 мингдан ортиқ, Самарқандда 400 мингдан ортиқ дарсликлар мактабларга тарқатилди.
Янгиликлар лентаси
0