Путин Эмомали Раҳмонни мукофотлади

© Sputnik / Сергей Гунеев / Медиабанкка ўтишПрезидент РФ В. Путин встретился с президентом Таджикистана Э. Рахмон
Президент РФ В. Путин встретился с президентом Таджикистана Э. Рахмон - Sputnik Ўзбекистон, 1920, 05.10.2022
Oбуна бўлиш
Путин бугун 70 ёшни қаршилаган Эмомали Раҳмонни “Ватан олдидаги хизматлари учун” ордени билан мукофотлади.
ТОШКЕНТ, 5 окт — Sputnik. Россия президенти Владимир Путин Тожикистон президенти Эмомали Раҳмонни Россиянинг III даражали “Ватан олдидаги хизматлари учун” ордени билан тақдирлади. Тегишли фармони 4 октябрь куни эълон қилинди.

“Россия Федерацияси ва Тожикистон Республикаси ўртасидаги стратегик шериклик ва иттифоқчилик муносабатларини мустаҳкамлаш, шунингдек, минтақавий барқарорлик ҳамда хавфсизликни таъминлашга қўшган катта шахсий ҳиссаси учун Тожикистон Республикаси президенти Раҳмон Эмомали III даражали “Ватан олдидаги хизматлари учун” ордени билан тақдирлансин”, - дейилади ҳужжатда.

Эмомали Раҳмон бугун, 5 октябрь куни 70 ёшга тўлади. 2017 йилда у Россия ва Тожикистон ўртасидаги икки томонлама муносабатлар ва ҳамкорликни мустаҳкамлашга қўшган катта шахсий ҳиссаси учун Александр Невский ордени билан ҳам тақдирланган.
Янгиликлар лентаси
0