Шавкат Мирзиёев Венгрия ишбилармонлари билан учрашди
Oбуна бўлиш
Президент Венгриянинг фармацевтика, қишлоқ хўжалиги, электроника, кимё, тўқимачилик ва автомобилсозлик соҳалари вакиллари билан ўзаро манфаатли ҳамкорликни муҳокама қилди.
ТОШКЕНТ, 4 окт - Sputnik. Ўзбекистон президенти Шавкат Мирзиёев Будапешт шаҳрида Венгриянинг етакчи компания ва банклари раҳбарлари билан учрашув ўтказди.
Тадбирда Венгрия иқтисодий ривожланиш вазири Мартон Надь, Савдо-саноат палатаси раиси Ласло Парраг, "OTP Bank" раиси Шандор Чаньи, шунингдек, "Gedeon Richter", "Bonafarm", "Wizz Air", "Raba Holding", "Meditop", "Master Good", "Kite" каби йигирмага яқин энг йирик компания ва корпорациялар раҳбарлари иштирок этди.
Учрашувда фармацевтика, қишлоқ хўжалиги, озиқ-овқат саноати, электроника ва электротехника, кимё, тўқимачилик, чарм тармоқлари ва автомобилсозлик каби соҳаларда ўзаро манфаатли ҳамкорликнинг истиқболли йўналишлари муҳокама қилинди.
Президент Республики Узбекистан Шавкат Мирзиёев в городе Будапеште провел встречу
с главами ведущих компаний и банков Венгрии.
Бундай учрашувлар бевосита алоқаларни йўлга қўйиш, мамлакатимизнинг савдо-иқтисодий муваффақиятларини илгари суриш, чет эл сармоядорларини ўзаро манфаатли лойиҳаларга жалб қилишга хизмат қилади, - дейилади хабарда.
Учрашувда устувор лойиҳаларни молиялаштириш учун қўшма фонд ташкил этилиши ва у тез фурсатда иш бошлаши айтилди.
Фақат Венгрия компаниялари учун мўлжалланган алоҳида саноат зонасини яратиш ва уни барча зарур ишлаб чиқариш инфратузилмаси билан таъминлаш таклиф этилди.
Президент Республики Узбекистан Шавкат Мирзиёев в городе Будапеште провел встречу
с главами ведущих компаний и банков Венгрии.
Шунингдек Ўзбекистон томонид Венгрия ишбилармонларига уларнинг инвестиция режаларини рўёбга чиқаришда тўлиқ кўмаклашишга тайёрлиги қайд этилди.
- Ҳар бир тадбиркорни мамлакатимизга келиб, бугунги кунда инвестициялар учун энг яхши жой Ўзбекистон эканлигига шахсан ишонч ҳосил қилишга таклиф этаман! – деди Шавкат Мирзиёев.
Венгрия ишбилармонлари ҳам Ўзбекистонда амалга оширилаётган иқтисодий ислоҳотларга юксак баҳо бердилар ҳамда мамлакатимиз бозорига чиқиш, истиқболли қўшма лойиҳалар амалга оширишга тайёрлигини билдирдилар. Кеча бўлиб ўтган Ўзбекистон-Венгрия бизнес форумида умумий қиймати 1 миллиард доллардан зиёд инвестиция, савдо ва молиявий келишувлар имзоланган эди.
Шавкат Мирзиёев ва Венгрия ишбилармонлари учрашуви якунида илгари сурилган барча лойиҳаларни амалга ошириш бўйича аниқ муддатлар ва масъул ижрочилар кўрсатилган комплекс “йўл харитаси”ни қабул қилишга келишиб олинди.
Президент Республики Узбекистан Шавкат Мирзиёев в городе Будапеште провел встречу
с главами ведущих компаний и банков Венгрии.
