https://sputniknews.uz/20220930/referendum-shimoliy-oqim-oziq-ovqat-erdogan-va-putin-nimalarni-muhokama-qilishdi-28664563.html
Референдум, “Шимолий оқим”, озиқ-овқат. Эрдоған ва Путин нималарни муҳокама қилишди
Референдум, “Шимолий оқим”, озиқ-овқат. Эрдоған ва Путин нималарни муҳокама қилишди
Sputnik Ўзбекистон
Давлат раҳбарлари 15-16-сентябрь кунлари Самарқандда бўлиб ўтган ШҲТ саммитида эришилган келишувларни амалга оширишдан манфаатдор эканликларини таъкидлаган. 30.09.2022, Sputnik Ўзбекистон
2022-09-30T12:16+0500
2022-09-30T12:16+0500
2023-04-05T18:40+0500
сиёсат
туркия
режеп таййип эрдоған
владимир путин
россия
https://cdn1.img.sputniknews.uz/img/07e6/08/05/26873655_0:346:3027:2048_1920x0_80_0_0_a668ba398b6e2985a0d1385104e58d61.jpg
ТОШКЕНТ, 30 сен — Sputnik.Россия президенти Владимир Путин кеча, 29 сентябрь куни Туркия президенти Ражаб Таййип Эрдоған билан телефон орқали мулоқот қилди. Бу ҳақда Кремль сайтида хабар берилди.Дастлаб Туркия президенти Ижевск мактабида содир этилган террорчилик ҳаракатининг фожиали оқибатлари муносабати билан Россия етакчисига ҳамдардлик билдирган. Шундан сўнг икки томонлама ҳамкорликни ривожлантиришнинг турли жиҳатлари ва Украина атрофидаги вазият юзасидан мазмунли суҳбат бўлиб ўтган.Хусусан, савдо-иқтисодий алоқаларнинг изчил суръати, товар айирбошлаш ҳажми сезиларли даражада ошгани қайд этилган. Россия табиий газини Туркияга етказиб бериш ва “Аккую” атом электр станциясини биргаликда қуриш бўйича шартномаларни амалга ошириш доирасида энергетика соҳасидаги ўзаро ҳамкорликка ижобий баҳо берилган. Россия ва Туркия президентларининг Сочи ва Самарқандда бўлиб ўтган учрашувларида эришилган келишувларни амалга оширишдан манфаатдор экани таъкидланган.Путин: референдум халқаро ҳуқуқ норма ва тамойилларига тўла мос равишда ўтдиВладимир Путин 23-27 сентябрь кунлари Донецк ва Луганск халқ республикалари, Херсон ва Запорожье вилоятларида Россия Федерацияси таркибига қўшилиш бўйича ўтказилган референдумлар натижалари ҳақида Ражаб Таййип Эрдоғонга сўзлаб берган. Путин айтишига кўра, овоз бериш шаффофлик шароитида, халқаро ҳуқуқ норма ва тамойилларига тўла мос равишда ўтган. Россиядан жаҳон бозорларига озиқ-овқат етказиб беришдаги тўсиқларни бартараф этиш зарурСуҳбатда Путин Эрдоғанга Қора денгиз портларидан ғалла экспорти ҳамда Россия қишлоқ хўжалиги маҳсулотлари ва ўғитларини экспорт қилиш бўйича Истанбул келишувларига эришишга қўшган ҳиссаси учун миннатдорлик билдирган. Шу билан бирга, ғалла бўйича ушбу пакетли битимни айнан комплекс тарзда амалга ошириш, жумладан, Россиядан жаҳон бозорларига озиқ-овқат ва ўғит етказиб беришдаги тўсиқларни бартараф этиш зарурлигига эътибор қаратилган.Путин: “Шимолий оқим”даги фавқулодда ҳолат халқаро террорчилик ҳаракатидирРоссия Федерацияси президенти “Шимолий оқим”да содир бўлган воқеани мисли кўрилмаган қўпорувчилик ҳаракати, газ қувурларига қарши халқаро террорчилик акти деб атади. Қайд этилишича, Россия бу масалани БМТ Хавфсизлик кенгашида шошилинч муҳокамага олиб чиқмоқда.Эрдоған: музокараларга яна бир имконият бериш керакЭрдоған маъмуриятининг маълум қилишича, Туркия раҳбари Украинадаги вазиятни ҳал қилиш учун музокараларга имконият бериш зарурлигини айтиб, Анқара воситачи бўлишга тайёрлигини таъкидлаган.“Президент Эрдоған яна ижобий ўзгаришларга йўл очиш учун тарангликни пасайтиришга қадамлар зарурлигини, айниқса, Украинанинг баъзи ҳудудларини Россияга қўшиб олиш масаласида Москвадан бу жараённи осонлаштириш учун қадамлар ташлаши кутилаётганини айтди. Путиндан музокаралар учун яна бир имконият беришни сўраган Эрдўғон Туркия бу жараёнда воситачилик ролини ўйнашга тайёрлигини айтди”, - дейилади Туркия раҳбарининг идораси хабарида.
туркия
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
сиёсат, туркия, режеп таййип эрдоған, владимир путин, россия
сиёсат, туркия, режеп таййип эрдоған, владимир путин, россия
Референдум, “Шимолий оқим”, озиқ-овқат. Эрдоған ва Путин нималарни муҳокама қилишди
12:16 30.09.2022 (янгиланди: 18:40 05.04.2023) Давлат раҳбарлари 15-16-сентябрь кунлари Самарқандда бўлиб ўтган ШҲТ саммитида эришилган келишувларни амалга оширишдан манфаатдор эканликларини таъкидлаган.
ТОШКЕНТ, 30 сен — Sputnik.Россия президенти Владимир Путин кеча, 29 сентябрь куни Туркия президенти Ражаб Таййип Эрдоған билан телефон орқали мулоқот қилди. Бу ҳақда Кремль сайтида
хабар берилди. Дастлаб Туркия президенти Ижевск мактабида содир этилган террорчилик ҳаракатининг фожиали оқибатлари муносабати билан Россия етакчисига ҳамдардлик билдирган. Шундан сўнг икки томонлама ҳамкорликни ривожлантиришнинг турли жиҳатлари ва Украина атрофидаги вазият юзасидан мазмунли суҳбат бўлиб ўтган.
Хусусан, савдо-иқтисодий алоқаларнинг изчил суръати, товар айирбошлаш ҳажми сезиларли даражада ошгани қайд этилган. Россия табиий газини Туркияга етказиб бериш ва “Аккую” атом электр станциясини биргаликда қуриш бўйича шартномаларни амалга ошириш доирасида энергетика соҳасидаги ўзаро ҳамкорликка ижобий баҳо берилган. Россия ва Туркия президентларининг Сочи ва Самарқандда бўлиб ўтган учрашувларида эришилган келишувларни амалга оширишдан манфаатдор экани таъкидланган.
Путин: референдум халқаро ҳуқуқ норма ва тамойилларига тўла мос равишда ўтди
Владимир Путин 23-27 сентябрь кунлари Донецк ва Луганск халқ республикалари, Херсон ва Запорожье вилоятларида Россия Федерацияси таркибига қўшилиш бўйича ўтказилган референдумлар натижалари ҳақида Ражаб Таййип Эрдоғонга сўзлаб берган. Путин айтишига кўра, овоз бериш шаффофлик шароитида, халқаро ҳуқуқ норма ва тамойилларига тўла мос равишда ўтган.
Ушбу минтақалар аҳолиси БМТ Низоми, 1966 йилдаги инсон ҳуқуқлари бўйича халқаро пактлар ва 1975 йилдаги Хельсинки якуний акти қоидаларига мувофиқ ўз тақдирини ўзи белгилаш ҳуқуқидан фойдаланган.
Россиядан жаҳон бозорларига озиқ-овқат етказиб беришдаги тўсиқларни бартараф этиш зарур
Суҳбатда Путин Эрдоғанга Қора денгиз портларидан ғалла экспорти ҳамда Россия қишлоқ хўжалиги маҳсулотлари ва ўғитларини экспорт қилиш бўйича Истанбул келишувларига эришишга қўшган ҳиссаси учун миннатдорлик билдирган. Шу билан бирга, ғалла бўйича ушбу пакетли битимни айнан комплекс тарзда амалга ошириш, жумладан, Россиядан жаҳон бозорларига озиқ-овқат ва ўғит етказиб беришдаги тўсиқларни бартараф этиш зарурлигига эътибор қаратилган.
Путин: “Шимолий оқим”даги фавқулодда ҳолат халқаро террорчилик ҳаракатидир
Россия Федерацияси президенти “Шимолий оқим”да содир бўлган воқеани мисли кўрилмаган қўпорувчилик ҳаракати, газ қувурларига қарши халқаро террорчилик акти деб атади. Қайд этилишича, Россия бу масалани БМТ Хавфсизлик кенгашида шошилинч муҳокамага олиб чиқмоқда.
Эрдоған: музокараларга яна бир имконият бериш керак
Эрдоған маъмуриятининг маълум қилишича, Туркия раҳбари Украинадаги вазиятни ҳал қилиш учун музокараларга имконият бериш зарурлигини айтиб, Анқара воситачи бўлишга тайёрлигини таъкидлаган.
“Президент Эрдоған яна ижобий ўзгаришларга йўл очиш учун тарангликни пасайтиришга қадамлар зарурлигини, айниқса, Украинанинг баъзи ҳудудларини Россияга қўшиб олиш масаласида Москвадан бу жараённи осонлаштириш учун қадамлар ташлаши кутилаётганини айтди. Путиндан музокаралар учун яна бир имконият беришни сўраган Эрдўғон Туркия бу жараёнда воситачилик ролини ўйнашга тайёрлигини айтди”, - дейилади Туркия раҳбарининг идораси
хабарида.
