https://sputniknews.uz/20220917/bahodir-yalangtosh-tarixiy-filmining-suratga-olish-ishlari-boshlandi-28299033.html
Баҳодир Ялангтўш тарихий фильмининг суратга олиш ишлари бошланди
Баҳодир Ялангтўш тарихий фильмининг суратга олиш ишлари бошланди
Sputnik Ўзбекистон
"Ўзбекфильм" киноконцернининг янгиланган павильонда “Баҳодир Ялангтўш” тарихий фильмининг суратга олиш ишлари бўлиб ўтмоқда – тафсилотлар. 17.09.2022, Sputnik Ўзбекистон
2022-09-17T13:23+0500
2022-09-17T13:23+0500
2022-09-17T13:23+0500
маданият
фильм
тошкент
https://cdn1.img.sputniknews.uz/img/07e6/09/11/28299185_0:160:3072:1888_1920x0_80_0_0_60eb18faa033f362da81d38d2e21d54f.jpg
ТОШКЕНТ, 17 сен — Sputnik. Тошкент халқаро кинофестивалида янги тарихий фильмнинг суратга олиш ишлари бошланди. Бу ҳақида Sputnik мухбири хабар берди.“Ипак йўли дурдонаси” XIV Тошкент халқаро кинофестивали доирасида "Ўзбекфильм" киноконцернининг янгиланган павильонда “Баҳодир Ялангтўш” тарихий фильмининг суратга олиш ишлари бўлиб ўтмоқда.Янги павильонда кинофестиваль меҳмонлари “Баҳодир Ялангтўш” тарихий фильмининг биринчи эпизоди суратга олинганига гувоҳ бўлишди. Шунингдек, улар режиссёр камерасида фильм қандай суратга олинаётганини шахсан кўриш, ижодий жамоа ва фильм актёрлари билан яқиндан танишиш имконига эга бўлишди.Фильм афсонавий Самарқанд Регистонининг яратувчиси – Баҳодир Ялангтўш ҳақида ҳикоя қилади. У Регистон майдонида "Шердор" ва "Тиллақори" мадрасаларини бунёд этган.“Бир неча йил аввал ушбу павильон аянчли аҳволда эди, кино ишлаб чиқариш замонавий ускуна-жиҳозларни талаб қилар эди. Бугунги кунда давлат раҳбарининг кинематографияни ривожлантиришга қаратаётган эътибори туфайли реконструкция қилиниб, жаҳон андозалари даражасида фильмлар суратга олиш имконини берувчи ускуналар билан жиҳозланди”, дейди "Ўзбекфильм" киноконцерни директори Баҳодир Одилов.Янги панорамали павильон энг юқори замонавий бадиий ва технологик савияда фильмлар суратга олиш имконини беради. Агар илгари йирик блокбастерлар ва жанговар фильмлар хромакей ёрдамида суратга олинган бўлса, бугун Стаге Срафт технологиясидан фойдаланиш билан ҳаммаси глобал миқёсда ўзгаради.Технология битта павильоннинг ўзида юқори сифатли тасвирни олиш имконини беради. Қимматбаҳо декорациялар ўрнига саҳнанинг орқа томонига керакли атмосферани тўлиқ етказиб бера оладиган йирик чоксиз LED панеллар ўрнатилди.Натижада виртуал оламнинг юқори сифатли тасвири экранда акс эттирилади ва оператор камерасига ҳеч қандай қийинчиликларсиз боғланади. Объектларнинг фондаги ҳолатини камеранинг жойлашишига қараб ўзгартириш сифатли фильм суратга олиш имконини беради. Стаге Срафт технологиясидан фойдаланган ҳолда сиз исталган бурчакдан суратга олишингиз мумкин.Ҳақиқий ва виртуал камераларнинг комбинацияси автоматик равишда объективни ўзгартиришни таъминлайди. Виртуал камерани мустақил равишда ҳам, масалан, динамик саҳналар учун ҳам ҳаракатлантириш мумкин.
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
маданият, фильм, тошкент
Баҳодир Ялангтўш тарихий фильмининг суратга олиш ишлари бошланди
"Ўзбекфильм" киноконцернининг янгиланган павильонда “Баҳодир Ялангтўш” тарихий фильмининг суратга олиш ишлари бўлиб ўтмоқда – тафсилотлар.
ТОШКЕНТ, 17 сен — Sputnik. Тошкент халқаро кинофестивалида янги тарихий фильмнинг суратга олиш ишлари бошланди. Бу ҳақида Sputnik мухбири хабар берди.
“Ипак йўли дурдонаси” XIV Тошкент халқаро кинофестивали доирасида "Ўзбекфильм" киноконцернининг янгиланган павильонда “Баҳодир Ялангтўш” тарихий фильмининг суратга олиш ишлари бўлиб ўтмоқда.
Янги павильонда кинофестиваль меҳмонлари “Баҳодир Ялангтўш” тарихий фильмининг биринчи эпизоди суратга олинганига гувоҳ бўлишди. Шунингдек, улар режиссёр камерасида фильм қандай суратга олинаётганини шахсан кўриш, ижодий жамоа ва фильм актёрлари билан яқиндан танишиш имконига эга бўлишди.
Фильм афсонавий Самарқанд Регистонининг яратувчиси – Баҳодир Ялангтўш ҳақида ҳикоя қилади. У Регистон майдонида "Шердор" ва "Тиллақори" мадрасаларини бунёд этган.
“Бир неча йил аввал ушбу павильон аянчли аҳволда эди, кино ишлаб чиқариш замонавий ускуна-жиҳозларни талаб қилар эди. Бугунги кунда давлат раҳбарининг кинематографияни ривожлантиришга қаратаётган эътибори туфайли реконструкция қилиниб, жаҳон андозалари даражасида фильмлар суратга олиш имконини берувчи ускуналар билан жиҳозланди”, дейди "Ўзбекфильм" киноконцерни директори Баҳодир Одилов.
Янги панорамали павильон энг юқори замонавий бадиий ва технологик савияда фильмлар суратга олиш имконини беради. Агар илгари йирик блокбастерлар ва жанговар фильмлар хромакей ёрдамида суратга олинган бўлса, бугун Стаге Срафт технологиясидан фойдаланиш билан ҳаммаси глобал миқёсда ўзгаради.
Технология битта павильоннинг ўзида юқори сифатли тасвирни олиш имконини беради. Қимматбаҳо декорациялар ўрнига саҳнанинг орқа томонига керакли атмосферани тўлиқ етказиб бера оладиган йирик чоксиз LED панеллар ўрнатилди.
Натижада виртуал оламнинг юқори сифатли тасвири экранда акс эттирилади ва оператор камерасига ҳеч қандай қийинчиликларсиз боғланади. Объектларнинг фондаги ҳолатини камеранинг жойлашишига қараб ўзгартириш сифатли фильм суратга олиш имконини беради. Стаге Срафт технологиясидан фойдаланган ҳолда сиз исталган бурчакдан суратга олишингиз мумкин.
Ҳақиқий ва виртуал камераларнинг комбинацияси автоматик равишда объективни ўзгартиришни таъминлайди. Виртуал камерани мустақил равишда ҳам, масалан, динамик саҳналар учун ҳам ҳаракатлантириш мумкин.
