Европа Россия билан курашда ставкаларни оширди
22:00 15.09.2022 (янгиланди: 18:39 05.04.2023)
© Sputnik / Алексей Витвицкий
/ Oбуна бўлиш
Европа нега “Украина учун кураш”га ўзини урмоқда? Ахир уларда на армия, на етарли ресурслар ва на уруш тажрибаси бор. Балким улар шунчаки вақтдан ютмоқчидир?
ТОШКЕНТ, 15 сен - Sputnik. Еврокомиссия раиси Урсула фон дер Ляен Франциянинг Страсбург шаҳрида бўлиб ўтган Европарламент мажлисида нутқ сўзлади.
Ўз нутқида ЕК раҳбари “Россияни ЕИ келажагига таҳдид солаётганликда ва унга қарши гибрид уруш олиб бораётганликда расман айблади ва бизни тор-мор этишга ваъда берди. Можаронинг кучайишива навбатдаги босқичга кўтарилишида янги қадамни де-факто бирлашган Европа етакчиси – Европа комиссияси раҳбари Урсула фон дер Ляен қўйди. Европа Иттифоқининг "Бош вазир"и Европа Парламентига йиллик мурожаатида сўзлаган нутқида қуйидагиларни таъкидлади:
"Келинг, аниқ айтайлик: бу эрда жуда кўп хавф бор. Нафақат Украина учун, балки бутун Европа ва бутун дунё учун. Бу биз учун синов бўлади. Орамиздаги турли фарқлардан фойдаланмоқчи бўлганлар томонидан уюштирилган синов. Россия томонидан бошланган уруш "нафақат Украинага қарши қаратилган, балки у бизнинг энергия хавфсизлигимизга, иқтисодимизга, қадриятларимизга ва келажагимизга қарши уруш. Ва мен шу ерда ишонч билан айтаманки, жасорат ва бирдамлик орқалибиз Путинни енгамиз. Европа ғалаба қозонади. Европанинг Украина билан бирдамлиги мустаҳкам бўлиб қолади. Россияга қарши санкциялар эса унинг иқтисодиёти парчаланмагунча ўз кучида қолади. Энди тинчланиш эмас қатъият вақти келди".
Агар буни Россияга нисбатан очиқ эълон қилиган уруш деб аталмаса, унда бу нима? Ахир Европа Иттифоқи ҳозир ҳам “урушда” иштирок этмоқда, нафақат пул, балки қурол-яроғ етказиб бериш ва Украина Қуролли Кучларини тайёрлаш билан ҳам.
“Олдин Европарламент ҳеч қачон Европа заминида давом этаётган уруш шароитида бўлмаган ва ЕИнинг аҳволини муҳокама қилмаган”, “ҳозир эса демократияга қарши автократия курашмоқда” – Урсула фон дер Ляеннинг ушбу сўзлари европаликларга вазият жиддийлигини тушунтириши ва илҳомлантириши керак.
Агар фон дер Ляен Россияни Европа энергетикаси, иқтисодиёти, қадриятлари ва Европа келажагининг душмани деб атаётган бўлса, демак улар Россия билан ўлгунича курашга таёр душман эканини англатадими? Бу сўзлар ҳали очиқ айтилмаган бўлса-да, аммо Европа Иттифоқи раҳбарлари айтган ҳамма нарса айнан шуни англатади.
Европа Россияни тор-мор этиши керак бўлган душмани деб эълон қилди: иқтисодий жиҳатдан иқтисодимизни парчалаш орқали, ҳарбий йўл билан Украина жанг майдонида бизни мағлуб этиш орқали ва сиёсий жиҳатдан президентимизни ҳукуматимизни алмаштириш орқали. Охир оқибат, бу Европани "фашистик давлат" билан янги урушдан ишончли ҳимоя қилишнинг ягона йўли, деб ўтган куни фон дер Ляеннинг қуролдоши, Европа Иттифоқининг ташқи ишлар бўйича олий комиссари Жозеп Боррел ҳам айтган эди.
Шундай қилиб, ҳамма нарса жуда аниқ: Европа Россияни мағлуб этишни хоҳлайди. Нима учун? Ўзларининг ёрқин келажаги, қадриятлари ва демократиясини сақлаб қолиш учун. Бунинг учун европаликлар - нархларнинг ошиши, энергия тақчиллиги ва яқинлашиб келаётган иқтисодий инқирозга чидашлари керак. Шундай қилиб, кейинчалик, Россия “мағлубиятга учрагач”, улар “биз шарқдан келаётган бу даҳшатли таҳдидга қарши турдик ва ғалаба қозондик, ўзимизни ва уйимизни сақлаб қолдик” деб айтишмоқчи.
Ўзи Европада бирор киши ушбу мақсадларга ишонадими? Албатта. Шундай бўлсада, Россия ва Европа ўртасидаги муносабатларнинг кўп асрлик тарихида русофобия Европага бир неча бор бизнинг мамлакатимиз билан уруш зарурлигини тушунтиришга ёрдам берган. Турли даврларда бу урушлар айирмачиларга қарши, варварларга қарши ва коммунистларга қарши деб аталган. Ва бизнинг Ғарбга бўлган ҳар бир юришимиз аввалги "дранг наҳ Остен" билан эмас, балки "абадий рус тажовузкорлиги" билан изоҳланди. Ва энди бўлса биз умумий Европа уйини қуришни давом эттириш учун Европани Шарқдан келаётган бошқа таҳдиддан ҳимоя қилишимиз керак.
Фон дер Ляеннинг нутқидан яна бир сўз бўлмаса, бу тушунтиришда ҳамма нарса яхши бўлар эди. У Ғарбий Болқон, Украина, Молдова ва Грузия аҳолисига қуйидаги сўзлар билан мурожаат қилди: "Сиз бизнинг оиламизнинг бир қисмисиз, сизнинг келажагингиз бизнинг иттифоқимизда ва сизсиз бизнинг иттифоқимиз тўлиқ эмас".
Келинг, албанлар ва серблар учун эмас, балки Украина, Молдова ва ҳатто Транскавказ Грузияси учун гапирайлик - бу ҳудуд аниқ Европами? Ҳозирги европаликларнинг ўзлари нуқтаи назаридан ва тарихий нуқтаи назардан қаралганда ҳам? Украинани “Россия эмас”лиги билан қандай алданмасин, у рус дунёсининг бир қисмидир. Урсула "Европа қитъасидаги уруш" деб атаган нарсага айнан Украинани ўзига ёт цивилизация, тарихий ва геосиёсий маконга олиб киришга, уни Россиядан ажратишга уринишлар сабаб бўлди.
Дарҳақиқат, асрлар давомида урушлар Ғарбий, Марказий ва Шарқий Европа деб тушунилган Эвропа ҳудудида эмас, балки тарихий Россия ҳудудида содир бўлмоқда. Аммо СССР парчаланганидан кейин Европа Украинани ўз дунёсининг бир қисми деб ҳисоблади, яъни Европа ва Россия цивилизацияларининг тарихий чегараларини қайта кўриб чиқишга қарор қилди.
Ҳа, дастлаб англо-сакслар Украинани ўғирлашнинг асосий ташаббускори бўлишди, лекин аста-секин уларнинг бирлашган Ғарбдаги кичик шериги бўлган Европа ҳам Украина учун курашга аралашди.
Яъни, Европа халқимиз бирлигига, цивилизациямизга, келажагимизга таҳдидга айланган, аммо ҳозир Россияни Европа келажагига таҳдид солаётганликда айбламоқда! Ҳамма нарса остин-устун бўлиб кетди - Россия шунчаки ўзерларини ҳимоя қилишга ва қайтаришга ҳаракат қилмоқда. Улар бўлса ўзганинг ерини ўзига қўшиб олишга уринмоқда. Устига-устак, агар Россия ўз тарихидан, ўз ерларидан, ўз манфаатларидан воз кечмаса, мағлуб бўлиш ва тор-мор этиш ваъда қилинган. Ким ваъда қилмоқда? СССР Шарқий Европани ўз ихтиёри билан тарк этгандан кейингина бирлашиш имкониятига эга бўлган Европа Иттифоқи, яъни немислар. Ҳа, бу инқироз ва мамлакатимизнинг ўзи, СССР парчаланиши пайтида содир бўлди ва биз миннатдорчилик талаб қилмаймиз. Аммо европаликларнинг ўзи ҳам минимал тарихий хотирага эга бўлиши керак-ку? Ҳеч бўлмаганда ўзини ҳимоя қилиш ҳисси бўлиши керак. Россия ерларини тортиб олиш учун бўлган шунча урушлар ва авлод-аждодларининг мағлубияти, уларга рус уйига кириш яхши оқибатларга олиб келмаслигини тушунтириш керак эди-ку?
Ўз-ўзини ҳимоя қилиш ҳисси бу европаликларнинг ўзлари учун ҳаммаси қандай тугашини айтади. Ҳа, бугунги Европа иқтисодий жиҳатдан Россиядан анча кучли ва англо-сакслар билан биргаликда Ғарб ҳарбий қудратда биздан сезиларли даражада устундир, аммо улушларни мутлақо солиштириб бўлмайди. Ғарб чекка ҳудудлар ҳисобига ўз ҳудудини кенгайтирмоқчи бўлиб, Россияга қарши тўсиқ қурмоқчи, мамлакатимиз эса ўз бирлигини тиклаяпти. Яна бир ғалаён ва давлатнинг қулаши оқибатларини енгиб ўтмоқда. Биз учун бу ҳаёт-мамот масаласи, аммо Европа ва Ғарб учун бу шунчаки Россиянинг вақтинча бўлинишидан фойдаланиб қолишга уринишдир. Шунинг учун биз чекинмаймиз ва Ғарб охир-оқибат ютқазади.
Аммо бу улар учун фалокат бўлмайди, шундай эмасми? Хўш, Россия ерларини ўзига қўшиб олиш иш бермади - Европа Иттифоқининг ўзи ва умуман Ғарб учун, бу дунёнинг охири эмас, шундай эмасми? Агар Ғарб ҳозир анча қийин аҳволда бўлмаганида шундай бўларди. Ғарб етакчилигининг ярим минг йиллик даври ниҳоясига етмоқда – бу жараён яна бир неча ўн йиллар давом этади, бироқ ҳаракат йўналиши аллақачон аниқ бўлган.
Шунинг учун ҳам Ғарб “Украина учун кураш”дан, шунчики ўз сўниш даврини орқага суриш, ҳеч бўлмаганда бироз секинлаштириш учун фойдаланишга ҳаракат қилмоқда. Урсула ўз риторикасида “устунларни” кўтаради - шунинг учун бутун "фашистик режим билан демократик Европа учун кураш", "биз Россия устидан ғалаба қозонгунча турамиз" деган гапларни айтди.
Аммо бу урушда кескинликни ошириш орқали Европа шунчаки “ёлғон” куч ва қатъийят намойиш қилмоқда – аслида ўз ниятларини қўллаб-қувватлаш учун уларда ҳеч нарса йўқ, урушда ютқазса ҳам ҳеч нарса йўқотмайди. Уларнинг ўзи ҳам, бошқа барча глобал куч марказлари ҳам буни яхши тушунишади. Россия ҳам буни тушунади, шунинг учун у Европага биз билан “қарта ўйнаш” учун столга ўтирган беадаб ва очкўз ўйинчи сифатида қарайди. Лекин улар дастлабки имкониятданоқ ўйинни тарк этишга тайёр. Биз учун эса бу “ўйин” ҳаёт-мамот жанги, чунки биз адолат учун курашмоқдамиз ва биз охиригача борамиз. Охир оқибат ғалаба бизники бўлади ва Европа рус ерларига ҳавас қилганидан яна бир бор пушаймон бўлади.
