Бугун Ленинград қамали бошланган кун - видео

Oбуна бўлиш
Ленинград қамали даҳшатли 872 кун давом этди. Ушбу давр ичида шаҳарнинг 1 млн аҳолиси қурбон бўлди. Улардан 600 мингдан ортиғи — очликдан.
ТОШКЕНТ, 8 сен - Sputnik. Германия фюрери режасига кўра, Ленинград ҳам Москва ҳам қўлга олинганидан сўнг, йўқ қилиниши керак эди.
1941 йилнинг август ойи охирида Германия қўшинлари совет мудофаа чизиғини ёриб ўтиб шаҳарни қуруқлик томонидан тўсиб қўйишди. Барча дарё, темирйўл ва автомобил коммуникациялар узилди, лекин шимолий пойтахт немисларга таслим бўлмади.
Ярим миллионга яқин ленинградликлар туну-кун мудофаа истеҳкомлари қуришар эди. Душман Қишги саройдан 16 км масофада тўхтатилди. 1941 йилнинг 8 сентябрь куни Ленинград шаҳри атрофидаги қуршов ҳалқаси ёпилди.
Гитлер йўриқномасидан: "бу урушда биз аҳолининг ҳатто кам қисмини сақлаб қолишдан манфаатдор эмасмиз. Ленинград эртами кечми таслим бўлади, у очиликдан ўлишга маҳкум этилган".
Шундан сўнг жанглар характери ўзгарди. Душман шаҳарни интенсив бомбардимон қилишга ўтди. Шаҳарга минглаб ёндирувчи бомбалар ёғилди. Биринчи навбатда озиқ-овқат омборлари йўқ қилинди.
1941 йилнинг ноябрь ойидан бошлаб шаҳар аҳолиси оммовий қурбон бўла бошлади. Дафн этиш хизмати ишчилари кунига кўчалардан юзлаб одамлар жасадларини йиғиб олишар эди. Улар орасида болалар ҳам жуда кўп эди.
Янгиликлар лентаси
0