Внуково аэропортида 225 кг олтин контрабандасининг олди олинди

© ФТС РоссииВо Внуково задержали контрабандистов с 225кг золота
Во Внуково задержали контрабандистов с 225кг золота - Sputnik Ўзбекистон, 1920, 18.08.2022
Oбуна бўлиш
Россия қонунчилигига асосан жиноятчилар 10 йилгача қамоқ жазосига ҳукм қилиниши мумкин.
ТОШКЕНТ, 18 авг - Sputnik. Москвадаги Внуково аэропортида умумий қиймати 800 миллион рублга тенг бўлган 225 кг олтин контрабандасининг олди олинди, деб хабар қилмоқда Россия Федерал Божхона хизмати.
Внуково аэропортида 225 кг олтин ва уни олиб кетаётган 6 нафар курер тезкор ходимлар томонидан қўлга олинди. Олтинлар 45 та қуйма ёмбидан иборат эди.
Уларни олиб чиқиш учун контрабандачилар икки гуруҳга бўлинган. ️Биринчи гуруҳ Ереванга чипта олган, иккинчиси эса - Дубайга.
Ереван танлангани бежиз бўлмаган, Арманистон ЕОИИ таркибига кирувчи давлат фуқаролари юклари божхонада жиддий текширилмайди.
Барча текширувлардан сўнг шериклар аэропортнинг нейтрал ҳудудида учрашишди, сумка алмашишди ва самолётга чиқишди. Ўшанда улар божхоначилар томонидан қўлга олинган.
Айни дамда контрабанда бўйича Россия ЖКнинг 226.1 банди бўйича тўртта жиноий иш қўзғатилган. Жиноятчилар 10 йилгача қамоқ жазосига ҳукм қилиниши мумкин.
Янгиликлар лентаси
0