ДТМ тест синови натижаларини қандай билиб олиш муминлигини эълон қилди

© Sputnik / Зафар ХалиловЭкзамен
Экзамен - Sputnik Ўзбекистон, 1920, 10.08.2022
Oбуна бўлиш
Тест синовларида иштирок этган абитуриентлар ўз натижаларини 4 хил усулда билиб олишлари мумкин – тафсилотлар.
ТОШКЕНТ, 10 авг — Sputnik. Давлат тест маркази 8 август куни олий таълим муассасаларининг бакалавриат таълим йўналишларига кириш учун ўтказилган тест синови натижаларини эълон қилди.
Унга кўра, абитуриентлар my.dtm.uz сайтининг “Натижани олиш” бўлимидан паспорт серияси ва рақами ҳамда шахсий идентификатция рақамини киритган ҳолда натижаларни кўришлари мумкин.
Шунингдек, mandat.dtm.uz сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID рақамини киритган ҳолда ҳам амалга ошириш мумкин.
Давлат тест марказининг қуйидаги телеграм ботларига абитуриент қайд варақаси ёки абитуриент рухсатномасида кўрсатилган абитуриентнинг ID рақамини юборган ҳолда:
@e_dtm_mandatbot
@e_dtm_mandat1bot
@e_dtm_mandat2bot
@e_dtm_mandat3bot
@e_dtm_mandat4bot
Абитуриент рухсатномасининг қуйи қисмидаги QR-код (натижани кўриш учун ҳавола) ни сканер қилган ҳолда.
Эслатиб ўтамиз, Тест синовлари 20 августга қадар икки сменада давом этади. Тест материалларини ўз вақтида топширмаган абитуриентлар тест синовидан четлатилади.
Янгиликлар лентаси
0