Uzpaynet устав капиталидаги 100 фоиз давлат улуши сотувга қўйилди

© Unsplash / Luis VillasmilМобильный телефон в руке мужчины
Мобильный телефон в руке мужчины - Sputnik Ўзбекистон, 1920, 08.08.2022
Oбуна бўлиш
Талабгорлардан аризаларни қабул қилиш жараёни 7 сентябрга қадар давом этади.
ТОШКЕНТ, 8 авг — Sputnik. Uzpaynet устав капиталидаги 100 фоиз давлат улуши сотувга қўйилди. Бу ҳақида Давлат активларини бошқариш агентлиги хабар берди.
Айтилишича, Abrau Capital ва Centil компаниялар консорциуми ушбу Битим бўйича Давактив агентлигининг хусусийлаштириш бўйича етакчи маслаҳатчиси ҳисобланади.
Талабгорлардан аризаларни қабул қилиш жараёни 7 сентябрь соат 18:00га қадар давом этади.
Аризада қуйидаги маълумотлар келтирилиши лозим:
Иштирокчи тўғрисида қисқача маълумот (шу жумладан, СТИР ва фаолият тури);
Иштирокчи устав капиталида 5 фоиздан ортиқ улуши мавжуд акциядорлар/ таъсисчилар (эгалик улуши кўрсатилган ҳолда) ва якуний бенефициарлар тўғрисида маълумотлар;
Молиявий ҳисобот (охирги 3 йилги фаолияти бўйича афзалроқ).
Маълумот учун, Uzpaynet Ўзбекистон бозорида 2005 йилдан буён йирик тўлов ташкилотларидан бири сифатида фаолият юритиб келмоқда. Ҳозирги кунда 390 дан ортиқ хизмат кўрсатувчи провайдерлар тўловларни тизим орқали қабул қилмоқдалар.
Ушбу тизим орқали ҳар куни 1,3 млндан ортиқ тўловлар 25 минг тўловни қабул қилиш пункти ва шу номдаги мобил илова орқали амалга оширилади.
Янгиликлар лентаси
0