https://sputniknews.uz/20220713/prezident-energetikaga-oid-loyihalarni-ishga-tushirishni-tezlashtirish-yuzasidan-topshiriq-berdi-26132586.html
Президент энергетикага оид лойиҳаларни ишга туширишни тезлаштириш юзасидан топшириқ берди
Президент энергетикага оид лойиҳаларни ишга туширишни тезлаштириш юзасидан топшириқ берди
Sputnik Ўзбекистон
Шавкат Мирзиёев Бирлашган Араб Амирликлари билан ҳамкорликдаги энергетикага оид битим ва ҳужжатларни имзолаш жараёнини тезлаштириш юзасидан топшириқ берди. 13.07.2022, Sputnik Ўзбекистон
2022-07-13T09:48+0500
2022-07-13T09:48+0500
2022-07-13T09:48+0500
иқтисод
шавкат мирзиёев
энергетика
https://cdn1.img.sputniknews.uz/img/07e6/07/0c/26128896_0:1:1280:721_1920x0_80_0_0_e0e83e518f8a4dbf00af0c3d497fc446.jpg
ТОШКЕНТ, 13 июл — Sputnik. Президент Бирлашган Араб Амирликлари билан ҳамкорликда энергетика соҳасида амалга оширилаётган йирик лойиҳаларга оид тақдимот билан танишди.Қайд этилишича, ўтган йили Навоий вилоятида биринчи қуёш электр станцияси айнан Бирлашган Араб Амирликларининг “Masdar” компанияси билан ҳамкорликда ишга туширилди. Бугунги кунда у бир кеча-кундузда 1 млн 180 минг киловатт соат электр энергияси етказиб бермоқда.Бу соҳада яна 5 та йирик лойиҳани амалга ошириш келишилган бўлиб, уларнинг умумий қиймати қарийб 3 миллиард долларни ташкил этади.Хусусан, “Mubadala” ва “Taqa” компаниялари билан ҳамкорликда Талимаржон иссиқлик электр станциясини хусусийлаштириш ва қувватини ошириш, “Masdar” компанияси билан Навоий вилоятида шамол, Сурхондарё, Самарқанд ва Жиззах вилоятларида қуёш электр станцияларини қуриш мўлжалланган.“Жорий йилдан Бирлашган Араб Амирликлари билан иқтисодий ҳамкорликни ривожлантириш ва мувофиқлаштириш бўйича янги тизим йўлга қўйилди”, дейилади хабарда.Йиғилишда энергетика соҳасидаги лойиҳалар ижроси ана шу тизим асосида кўриб чиқилди.Мутасаддилар лойиҳаларнинг ҳозирги ҳолати ва йил якунигача мўлжалланган чора-тадбирлар юзасидан ахборот берди.Талимаржон иссиқлик электр станциясини хусусийлаштириш ҳақида сўз борар экан, бу лойиҳа иссиқлик электр станцияларини бошқариш ва энергия ишлаб чиқаришда намунавий бўлиши кераклиги қайд этилди.“Masdar” компанияси билан қайта тикланувчи энергетика соҳасида амалга ошириладиган лойиҳалар 2030 йилгача мамлакатимизда “яшил энергетика” улушини 25 фоизга етказишда муҳим қадам бўлади. Шу боис, лойиҳаларни амалга ошириш бўйича зарур битим ва ҳужжатлар имзолашни тезлаштириш муҳимлиги кўрсатиб ўтилди.Маълумот учун, йил бошидан буён Ўзбекистон ва Бирлашган Араб Амирликларининг ўзаро савдо ҳажми икки баробарга кўпайди ва мамлакатда 45 та янги қўшма корхона ташкил этилди.
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
иқтисод, шавкат мирзиёев, энергетика
иқтисод, шавкат мирзиёев, энергетика
Президент энергетикага оид лойиҳаларни ишга туширишни тезлаштириш юзасидан топшириқ берди
Шавкат Мирзиёев Бирлашган Араб Амирликлари билан ҳамкорликдаги энергетикага оид битим ва ҳужжатларни имзолаш жараёнини тезлаштириш юзасидан топшириқ берди.
ТОШКЕНТ, 13 июл — Sputnik. Президент Бирлашган Араб Амирликлари билан ҳамкорликда энергетика соҳасида амалга оширилаётган йирик лойиҳаларга оид тақдимот билан
танишди. Қайд этилишича, ўтган йили Навоий вилоятида биринчи қуёш электр станцияси айнан Бирлашган Араб Амирликларининг “Masdar” компанияси билан ҳамкорликда ишга туширилди. Бугунги кунда у бир кеча-кундузда 1 млн 180 минг киловатт соат электр энергияси етказиб бермоқда.
Бу соҳада яна 5 та йирик лойиҳани амалга ошириш келишилган бўлиб, уларнинг умумий қиймати қарийб 3 миллиард долларни ташкил этади.
Хусусан, “Mubadala” ва “Taqa” компаниялари билан ҳамкорликда Талимаржон иссиқлик электр станциясини хусусийлаштириш ва қувватини ошириш, “Masdar” компанияси билан Навоий вилоятида шамол, Сурхондарё, Самарқанд ва Жиззах вилоятларида қуёш электр станцияларини қуриш мўлжалланган.
“Жорий йилдан Бирлашган Араб Амирликлари билан иқтисодий ҳамкорликни ривожлантириш ва мувофиқлаштириш бўйича янги тизим йўлга қўйилди”, дейилади хабарда.
Йиғилишда энергетика соҳасидаги лойиҳалар ижроси ана шу тизим асосида кўриб чиқилди.
Мутасаддилар лойиҳаларнинг ҳозирги ҳолати ва йил якунигача мўлжалланган чора-тадбирлар юзасидан ахборот берди.
Талимаржон иссиқлик электр станциясини хусусийлаштириш ҳақида сўз борар экан, бу лойиҳа иссиқлик электр станцияларини бошқариш ва энергия ишлаб чиқаришда намунавий бўлиши кераклиги қайд этилди.
“Masdar” компанияси билан қайта тикланувчи энергетика соҳасида амалга ошириладиган лойиҳалар 2030 йилгача мамлакатимизда “яшил энергетика” улушини 25 фоизга етказишда муҳим қадам бўлади. Шу боис, лойиҳаларни амалга ошириш бўйича зарур битим ва ҳужжатлар имзолашни тезлаштириш муҳимлиги кўрсатиб ўтилди.
Маълумот учун, йил бошидан буён Ўзбекистон ва Бирлашган Араб Амирликларининг ўзаро савдо ҳажми икки баробарга кўпайди ва мамлакатда 45 та янги қўшма корхона ташкил этилди.
