https://sputniknews.uz/20220704/evropada-epidemiologik-vaziyat-murakkablashmoqda-jsst-25891584.html
Европада эпидемиологик вазият мураккаблашмоқда - ЖССТ
Европада эпидемиологик вазият мураккаблашмоқда - ЖССТ
Sputnik Ўзбекистон
Маймун чечаги вирусидан энг кўп Европа аҳолиси азият чекмоқда. Бу ҳақда Жаҳон соғлиқни сақлаш ташкилоти маълум қилди.
2022-07-04T16:44+0500
2022-07-04T16:44+0500
2022-07-04T16:44+0500
дунёда
европа
маймун чечаги
https://cdn1.img.sputniknews.uz/img/07e5/03/1f/18054723_0:0:3067:1725_1920x0_80_0_0_df1b255ff63981590b46c483cbe1e644.jpg
ТОШКЕНТ, 4 июл – Sputnik. Маймун чечаги вирусидан энг кўп Европа аҳолиси азият чекмоқда. Бу ҳақда Жаҳон соғлиқни сақлаш ташкилоти маълум қилди.Ҳозиргача Европа рўйхатга олинган беморлар сони дунё бўйича тасдиқланган жами кўрсаткичнинг қарийб 90 фоизига тенг. Хусусан, мазкур хавфли инфекция қитъанинг 31 мамлакатида қайд этилган.Шу боис Жаҳон соғлиқни сақлаш ташкилотининг Европа минтақавий бюроси директори Ханс Клюге ҳукуматларни касалликка қарши ўзаро саъй-ҳаракатларни бирлаштиришга чақирди.ЖССТ вакилининг таъкидлашича, шу кунга қадар маймун чечагидан Европада ўлим ҳолатлари кузатилгани йўқ. Аммо бу хотиржамлик учун асос бўлолмайди.Чунки тошма, иситма, чарчоқ, бош, томоқ ва мушаклар оғриғи, қусиш, диарея каби белгилар билан намоён бўлаётган мазкур хасталик географияси кун сайин кенгайиб боряпти.Бундан ташқари, Европада кейинги бир ой ичида коронавирус инфекциясини юқтириш ҳолатлари ҳам уч баробар ошган.“Айни пайтда “кўҳна қитъа”нинг 53 давлатида кунига 500 минг нафарга яқин кишида COVID-19 аниқланмоқда. Шу билан бирга, ўлим кўрсаткичлари ҳам 2020 йил ёз мавсуми даражасига яқинлашди: кунига қарийб 500 киши коронавирус туфайли ҳаётдан кўз юмяпти”, дейилади хабарда.ЖССТ хулосасига кўра, аҳоли ўз вақтида, тўлиқ босқичда эмланиши, қолаверса, жамоат жойларида ниқоб тақиб юриши зарур.Эслатиб ўтамиз, маймун чечаги элликка яқин мамлакатга тарқалиб улгурди. Июнь ойида Испания 700га яқин кўрсаткич билан энг кўп маймун чечаги қайд этилган мамлакатга айланганди.
европа
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
европада эпидемиологик вазият мураккаблашмоқда - жсст
европада эпидемиологик вазият мураккаблашмоқда - жсст
Европада эпидемиологик вазият мураккаблашмоқда - ЖССТ
Маймун чечаги ва короновирус билан касалланганлар сони ошмоқда.
ТОШКЕНТ, 4 июл – Sputnik. Маймун чечаги вирусидан энг кўп Европа аҳолиси азият чекмоқда. Бу ҳақда Жаҳон соғлиқни сақлаш ташкилоти маълум қилди.
Ҳозиргача Европа рўйхатга олинган беморлар сони дунё бўйича тасдиқланган жами кўрсаткичнинг қарийб 90 фоизига тенг. Хусусан, мазкур хавфли инфекция қитъанинг 31 мамлакатида қайд этилган.
Шу боис Жаҳон соғлиқни сақлаш ташкилотининг Европа минтақавий бюроси директори Ханс Клюге ҳукуматларни касалликка қарши ўзаро саъй-ҳаракатларни бирлаштиришга чақирди.
ЖССТ вакилининг таъкидлашича, шу кунга қадар маймун чечагидан Европада ўлим ҳолатлари кузатилгани йўқ. Аммо бу хотиржамлик учун асос бўлолмайди.
Чунки тошма, иситма, чарчоқ, бош, томоқ ва мушаклар оғриғи, қусиш, диарея каби белгилар билан намоён бўлаётган мазкур хасталик географияси кун сайин кенгайиб боряпти.
Бундан ташқари, Европада кейинги бир ой ичида коронавирус инфекциясини юқтириш ҳолатлари ҳам уч баробар ошган.
“Айни пайтда “кўҳна қитъа”нинг 53 давлатида кунига 500 минг нафарга яқин кишида COVID-19 аниқланмоқда. Шу билан бирга, ўлим кўрсаткичлари ҳам 2020 йил ёз мавсуми даражасига яқинлашди: кунига қарийб 500 киши коронавирус туфайли ҳаётдан кўз юмяпти”, дейилади хабарда.
ЖССТ хулосасига кўра, аҳоли ўз вақтида, тўлиқ босқичда эмланиши, қолаверса, жамоат жойларида ниқоб тақиб юриши зарур.
Эслатиб ўтамиз, маймун чечаги элликка яқин мамлакатга тарқалиб улгурди. Июнь ойида Испания 700га яқин кўрсаткич билан энг кўп маймун чечаги қайд этилган мамлакатга айланганди.
