Конституцион комиссия Қорақалпоғистондаги вазиятни кузатиб бормоқда
Конституцион комиссия Қорақалпоғистондаги вазиятни кузатиб бормоқда
Sputnik Ўзбекистон
Оммавий тартибсизлик келтириб чиқаришга уринган иғвогарлар қорақалпоқ халқининг умумий фикрини ифода қилмайди - Конституцион комиссия. 02.07.2022, Sputnik Ўзбекистон
ТОШКЕНТ, 2 июл - Sputnik. Конституцион комиссия Қорақалпоғистондаги вазиятни диққат билан кузатиб бормоқда, деб ёзмоқда ўзининг ижтимоий тармоқдаги саҳифасида Қонунчилик палатаси вице-спикери, Конституцион комиссия матбуот котиби Одилжон Тожиев. "Кеча барчамиз жондўст қорақалпоқ заминида рўй берган воқеалар ривожини кузатдик. Хусусан, Конституциявий комиссия аъзолари ҳам вазиятни диққат билан кузатди, тармоқда янграётган фикрларни таҳлил қилиб борди. Бир гуруҳ популистлар провакацион ҳаракатлар натижа беришидан умид қилиб, шиорбозликка берилиб, халқни кўчага чиқишга чорлади.Таъкидлаймизки, Конституциявий комиссия томонидан тақдим қилинган қонун лойиҳаси охир-оқибат Ўзбекистон халқининг, жумладан, Қорақалпоқларнинг ҳам орзу-интилишлари ифодаси бўлади. Оммавий тартибсизлик келтириб чиқаришга уринган иғвогарлар қорақалпоқ халқининг умумий фикрини ифода қилмайди.Ҳужжат тор доирада муҳокама қилинмаяпти, умумхалқ муҳокамаси ўтказилаяпти. Шу омилнинг ўзиёқ давлатнинг очиқлик сиёсати, ҳар бир ишда халқ фикри билан ҳисоблашишини кўрсатади. Демократия ва ошкораликни оммавий тартибсизликка айлантириш қандай оқибатларга олиб келганига ҳозир ўнлаб мисоллаб келтиришим мумкин. Лекин, шусиз ҳам ҳаммасини ҳис қилиб турибсиз, деб ўйлайман.Комиссия ушбу ҳолатга доир расмий муносабатини беради. Ҳозир эса қисқача қилиб бир гапни айтишимиз мумкин: халқ фикрини ифода қиладиган минбарлар, муҳокама майдонлари – провакаторларнинг ресурслари эмас.Биз бу вазиятга янада жиддий ёндашишимиз лозимлигини тобора равшанроқ тушунаяпмиз", - деб ёзган Одилжон Тожиев.
Оммавий тартибсизлик келтириб чиқаришга уринган иғвогарлар қорақалпоқ халқининг умумий фикрини ифода қилмайди - Конституцион комиссия.
ТОШКЕНТ, 2 июл - Sputnik. Конституцион комиссия Қорақалпоғистондаги вазиятни диққат билан кузатиб бормоқда, деб ёзмоқда ўзининг ижтимоий тармоқдаги саҳифасида Қонунчилик палатаси вице-спикери, Конституцион комиссия матбуот котиби Одилжон Тожиев.
"Кеча барчамиз жондўст қорақалпоқ заминида рўй берган воқеалар ривожини кузатдик. Хусусан, Конституциявий комиссия аъзолари ҳам вазиятни диққат билан кузатди, тармоқда янграётган фикрларни таҳлил қилиб борди. Бир гуруҳ популистлар провакацион ҳаракатлар натижа беришидан умид қилиб, шиорбозликка берилиб, халқни кўчага чиқишга чорлади.
Таъкидлаймизки, Конституциявий комиссия томонидан тақдим қилинган қонун лойиҳаси охир-оқибат Ўзбекистон халқининг, жумладан, Қорақалпоқларнинг ҳам орзу-интилишлари ифодаси бўлади. Оммавий тартибсизлик келтириб чиқаришга уринган иғвогарлар қорақалпоқ халқининг умумий фикрини ифода қилмайди.
Ҳужжат тор доирада муҳокама қилинмаяпти, умумхалқ муҳокамаси ўтказилаяпти. Шу омилнинг ўзиёқ давлатнинг очиқлик сиёсати, ҳар бир ишда халқ фикри билан ҳисоблашишини кўрсатади. Демократия ва ошкораликни оммавий тартибсизликка айлантириш қандай оқибатларга олиб келганига ҳозир ўнлаб мисоллаб келтиришим мумкин. Лекин, шусиз ҳам ҳаммасини ҳис қилиб турибсиз, деб ўйлайман.
Комиссия ушбу ҳолатга доир расмий муносабатини беради. Ҳозир эса қисқача қилиб бир гапни айтишимиз мумкин: халқ фикрини ифода қиладиган минбарлар, муҳокама майдонлари – провакаторларнинг ресурслари эмас.
Биз бу вазиятга янада жиддий ёндашишимиз лозимлигини тобора равшанроқ тушунаяпмиз", - деб ёзган Одилжон Тожиев.
Конституция ислоҳоти
Ўзбекистонда 2023 йилда конституциявий ислоҳот ўтказиш режалаштирилган. Ушбу мақсадда 2022 йилда Meningkonstitutsiyam.uz ва бошқа платформалар ёрдамида аҳолидан 220 мингдан ортиқ Бош қонунни такомиллаштиришга қаратилган фикр ва мулоҳазалар жамланган эди.
Кейинчалик улар халқаро ва маҳаллий экспертлар ёрдамида умумлаштирилиб, Ўзбекистон Республикаси Конституциявий қонуни лойиҳаси ишлаб чиқилди.
Янги Қонун лойиҳаси бир неча ой давомида муҳокама қилинганидан сўнг жорий йилнинг март ойида Олий Мажлис қонунчилик палатаси томонидан қабул қилинди ва умумхалқ референдумини ўтказиш 2023 йил 30 апрель кунига белгиланди.
