Эртага Тошкентда магнит бўрони кузатилади

© Foto : NASA/ESA/Hubble SM4 ERO TeamПланетарная туманность NGC 6302 Жук
Планетарная туманность NGC 6302 Жук - Sputnik Ўзбекистон, 1920, 14.06.2022
Oбуна бўлиш
G3 даражали кучга эга 4 баллик магнит бўронлар кузатилиши прогноз қилинмоқда.
ТОШКЕНТ, 14 июн — Sputnik. Пойтахтликлар 15-16 июнь кунлари шимолий ярим шардаги фаол магнит бўронининг кучсизроқ таъсирини ўзларида ҳис қилишади. Бу ҳақда Ўзгидромет мутахассиси Эркин Абдулаҳатов маълум қилди.
Айтилишича, G3 даражали кучга эга 4 баллик магнит бўронлар кузатилиши прогноз қилинмоқда.
G3 даража - кўпчилик учун хавфли даража эмас.

“Магнит бўронларининг юқори хавфли даражаси нафақат, инсон саломатлиги, унинг кундалик иш фаолиятига, балки алоқа, энергетика тизимларига ҳам сезиларли таъсир кўрсатади”, - дейди у

Магнит бўронлари G3 даражали даврда айримларда бош қисмининг орқа томонида кучсиз оғриш кузатилади. Бу пайтда шу каби инсонларга камроқ ҳаракат қилиш ҳамда уйда кўпроқ ўтириш тавсия этилади.
Бу вақт оралиғида юқоридаги омилни ўзида сезаётган кишиларга чекиш, алкогол маҳсулотлари ва кофе ичиш ҳамда жисмоний зўриқиш тавсия этилмайди. Овқатланиш рационига балиқ ва кўкатларни киритиш маъқул.
Мутахассиснинг сўзларига кўра, ушбу бўронлар ернинг қутб доираларига яқин Ернинг магнит майдон ҳудудларида фаол кузатилади.
Шунинг учун қутб доирасига яқин давлатларда магнит майдон фаоллигини ўрганадиган тузилмалар мавжуд ва улар қуёш сиртидаги чақнашлар, қисқача айтганда қуёш фаоллигини синчков кузатган ҳолда ҳудудларда магнит бўрони хавфини прогноз қилишади.
Янгиликлар лентаси
0