Россия бадиий гимнастика федерацияси раҳбари Чусовитинага қойил қолди

© Sputnik / Алексей Филиппов / Медиабанкка ўтишОксана Чусовитина (Узбекистан) перед выполнением опорного прыжка в финале соревнований среди женщин на чемпионате мира по спортивной гимнастике в Дохе.
Оксана Чусовитина (Узбекистан) перед выполнением опорного прыжка в финале соревнований среди женщин на чемпионате мира по спортивной гимнастике в Дохе. - Sputnik Ўзбекистон, 1920, 10.05.2022
Oбуна бўлиш
Василий Титов: Оксана жуда истеъдодли инсон, шунинг учун унга чин дилдан муваффақият тилайман.
ТОШКЕНТ, 10 май — Sputnik. Россия бадиий гимнастика федерацияси раҳбари Василий Титов 46 ёшида Парижда 2024 йилда бўлиб ўтадиган Олимпиадада қатнашиш истагини билдирган Оксана Чусовитинани ноёб спортчи деб атади. Бу ҳақда РИА Новости хабар берди.
“Мен Оксананинг тўққизинчи марта Олимпиадада қатнашиш қарорини фақат олқишлашим мумкин. У зўр, у ўзига хос ўйин намойиш этмоқда. Оксана жуда истеъдодли инсон, шунинг учун унга чин дилдан муваффақият тилайман. Унинг карерасини якунлаб, кейин спортга қайтиш қарорига келсак, айтадиган кўп нарса йўқ. Агар у ўзини кучли ҳис этса ва энг юқори савияда ўйнашда давом этса, нега бундай бўлмасин! Мен унинг Париждаги мумкин бўлган натижаси ҳақида башорат қилишни истамайман. Унинг энг яхши ўйин кўрсатишини тилайман. Бундай узоқ умр кўриш гимнастикага хос эмас. Мен фақат болгариялик Йордан Йовчевни эслайман, у ҳам ажойиб мартабага эришган”, дейди Василий Титов.
Оксана 2021 йил 25 июль куни Токио Олимпиадасида иштирок этганидан сўнг, спортдаги фаолиятини якунлашини эълон қилган эди. Бироқ 2021 йилнинг октябрь ойи бошида, Оксана 2022 йили Хитойда бўлиб ўтадиган навбатдаги Осиё ўйинларига тайёргарлик кўришини маълум қилди.
46 ёшли гимнастикачи спортдаги фаолиятини қайта тиклагач, жорий йилнинг март ойида Қатар пойтахти Дохада ўтказилган Жаҳон кубогида олтин медални қўлга киритган.
Июнь ойида 47 ёшга тўладиган Чусовитина саккизта ёзги Олимпия ўйинларида қатнашган тарихдаги ягона гимнастикачи ҳисобланади. Бухорода туғилган спортчи СССР ва Германия терма жамоаларида тўп сурган, ҳозирда Ўзбекистон шарафини ҳимоя қилмоқда.
Янгиликлар лентаси
0