Тошкентда МДҲ Парламентлараро ассамблеясининг йиғилиши бўлиб ўтади

© Фото: Сенат УзбекистанаПредседатель Сената Узбекистана Танзила Нарбаева
Председатель Сената Узбекистана Танзила Нарбаева - Sputnik Ўзбекистон, 1920, 29.03.2022
Oбуна бўлиш
Бу ҳақда Ассамблея кенгашининг Олмаотада бўлиб ўтаётган йиғилишида Танзила Нарбаева маълум қилди.
ТОШКEНТ, 29 март – Sputnik. МДҲ Парламентлараро Ассамблеясининг (МДҲ ПАА) Кенгашининг навбатдаги йиғилиши жорий йилнинг кузида Тошкент шаҳрида бўлиб ўтади.
Бу ҳақда Олий Мажлис Сенати раиси Танзила Нарбаева 29 март куни МДҲ ППА ташкил этилганининг 30 йиллигига бағишланган кенгашнинг тантанали йиғилишида айтиб ўтди.
Олмаотага ташриф буюрган Ўзбекистон парламенти делегациясига Танзила Нарбоева бошчилик қилмоқда. Нарбаева Кенгаш йиғилишида президент Шавкат Мирзиёевнинг Ўзбекистоннинг Ҳамдўстлик доирасидаги кейинги фаолияти режалари эълон қилинган мактубини ўқиб эшиттирди.
“Ўзбекистон бундан буён ҳам мамлакатларимиз ўртасида тинчлик, барқарорлик, дўстлик, ишонч ва яхши қўшничилик муносабатларини мустаҳкамлаш борасидаги фаол ишларни давом эттириш ниятида”, — дейилади Мирзиёевнинг табрик мактубида.
Ушбу мақсадга эришиш учун Ўзбекистон МДҲ доирасида эркин савдо зонаси фаолиятини таъминлашни ривожлантиришга алоҳида эътибор қаратмоқда, деди Президент Танзила Нарбаева ҳам. Бундан ташқари, Ўзбекистон МДҲга аъзо давлатлар билан ўзаро сармоявий ва саноат кооперациясини кенгайтиришдан манфаатдор.
Шунингдек, мамлакатлар ўртасида янги транспорт йўналишларини шакллантириш ва турли ижтимоий соҳалар – соғлиқни сақлаш, таълим, фан, маданият, шунингдек, рақамлаштириш бўйича ҳамкорликни чуқурлаштириш зарур, дея хулоса қилди Нарбаева.
Маълумот учун МДҲ Парламентлараро Ассамблеясини 1992 йил 27 мартда Россия Федерацияси, Беларус, Қозоғистон, Ўзбекистон, Қирғизистон, Тожикистон ва Арманистон парламентлари томонидан ташкил этилган эди. Бироз вақт ўтгач, келишувга Молдова ва Озарбайжон қўшилди.
Янгиликлар лентаси
0