Боевая подготовка подразделений ВДВ на полигоне в зоне СВО. - Sputnik Ўзбекистон, 1920, 24.02.2022
Россиянинг Донбассдаги махсус ҳарбий операцияси
Россия 21 февраль куни Донецк ва Луганск халқ республикаларини тан олишини эълон қилди, 24 февраль куни эса Владимир Путин Донбассда махсус ҳарбий операция бошланганини маълум қилди. Россия Мудофаа вазирлиги Украина ҳарбий инфратузилмасига, хусусан қурол-яроғ омборлари ва аэродромларга зарба берди.

Украинанинг Херсон вилояти тўлиқ назоратга олинди – Россия Мудофаа вазирлиги

© Sputnik / Константин Михальчевский / Медиабанкка ўтишСитуация на границе Крыма с Украиной
Ситуация на границе Крыма с Украиной - Sputnik Ўзбекистон, 1920, 15.03.2022
Oбуна бўлиш
Россия Қуролли кучлари томонидан бутун Херсон вилояти устидан назорат ўрнатилди.
ТОШКЕНТ, 15 мар — Sputnik. Россия ҳарбийлари махсус операция давомида Украинанинг Херсон вилоятини тўлиқ назорат остига олишди. Бу ҳақда Россия Мудофаа вазирлиги расмий вакили генерал-майор Игорь Конашенков маълум қилди.
“Россия Федерацияси Қуролли кучлари томонидан бутун Херсон вилояти устидан назорат ўрнатилди”, - деди Конашенков брифинг давомида.
Унинг қўшимча қилишича, ДХР қўшинлари гуруҳи Украина миллатчиларининг мудофаасини ёриб ўтиб, Пантелеймоновка аҳоли пунктини назаратга олган ва Верхнеторецкое — Новоселовка-2 чегараларига чиқишган.
Россия ҳарбийлари 2 март куни Херсоннинг вилоят марказини тўлиқ назоратга олишган эди. Шундан сўнг шаҳар маъмурияти билан ижтимоий объектлар ишини қўллаб-қувватлаш, аҳолини хавфсизлигини таъминлаш бўйича музокаралар бошланган. Шаҳарга гуманитар ёрдам келтирилган ва аҳолига тарқатилмоқда.
Россия 24 февраль куни Украина ҳарбий инфратузилмаларини йўқ қилиш ва уни миллатчилик ғояларидан тозалаш учун махсус ҳарбий операция бошлаган эди. Россия Мудофаа вазирлигининг маълум қилишича, зарбалар фақат ҳарбий объектлар ва украин қўшинларига берилмоқда.
Янгиликлар лентаси
0