Бухорода қулаб тушган қалъа девори учун 1 млрд сўм маблағ ажратилди

© Фото: Маданий мерос агентлигиТалипоч қалъа дарвозаси девори
Талипоч қалъа дарвозаси девори  - Sputnik Ўзбекистон, 1920, 15.03.2022
Oбуна бўлиш
Бухородаги Талипоч дарвозаси республика бюджети маблағлари ҳисобидан таъмирланади.
ТОШКЕНТ, 15 мар — Sputnik. Туризм ва маъданий мерос вазирлиги Бухородаги XVI асрга оид Талипоч қалъа дарвозаси деворини таъмирлаш учун 1 млрд сўм маблағ ажратди. Бу ҳақда Бухоро вилоят Маданий мерос бошқармаси хабар бермоқда.
Хабарда айтилишича, мазкур объектни таъмирлаш-тиклаш ишлари Маданий мерос объектлари реставрацияси дирекцияси томонидан амалга оширилади.
Таъкидланишича, ҳозирда масъул соҳа мутасаддилари ва мутахассислар бу объектнинг лойиҳа олди ишларини олиб боришмоқда.
Эслатиб ўтамиз, Бухорода муттасил ёғингарчиликлар туфайли Талипоч қалъа дарвозаси қалъаси деворининг бир қисми ўпирилиб тушган эди.
Ўтган йиллар давомида қалъа атрофидаги деворнинг чап қаноти ортидаги маданий қатламларнинг чўкиши, қоплама деворларида ёриқлар пайдо бўлиши ҳамда март ойида кузатилган доимий ёғингарчилик деворнинг чўкиши ва қулаб тушишига олиб келгани аниқланган.
Янгиликлар лентаси
0