Молиявий қоидабузарликлар ҳақида хабар берганларга пул берилади

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон, 1920, 16.02.2022
Oбуна бўлиш
Президент қарори билан Молия вазирлиги ҳузурида Давлат молиявий назорати инспекцияси ташкил этилди.
ТОШКЕНТ, 16 фев — Sputnik. Ўзбекистонда 1 апрелдан молиявий назоратга оид қоидабузарликлар ҳақида хабар берганлар мукофотланади. Бу президент имзолаган Давлат бюджети харажатларининг самарадорлигини янада ошириш ва давлат молиявий назорати органлари фаолиятини такомиллаштириш тўғрисида қарорда белгиланган.
Қарор билан Молия вазирлиги ҳузурида Давлат молиявий назорати инспекцияси ташкил этилди.
2023 йил 1 январгача “Электрон назоратчи-тафтишчи” дастурий мажмуаси тўлиқ ишга туширилади.
Инспекцияда бюджет ҳисобидан амалга оширилган қурилишлар учун қилинган тўловлар ҳақиқатда бажарилган иш ҳажмига мувофиқлиги устидан назорат ўрнатиш учун Қурилиш объектларида назорат ўлчовини амалга ошириш бошқармаси (40 та штат бирлигидан иборат) ташкил этилади.
“2022 йил 1 апрелдан молиявий назоратга оид қоидабузарликлар ҳақида хабар берган шахсларга мукофот тўланади”, - дейилган ҳужжатда.
2022 йил 1 ноябргача Инспекция ходимлари молиявий назорат ва ички аудит соҳасидаги халқаро тажрибалар асосида махсус ўқув курсларида ўқитилади.
2022 йил 1 ноябрдан Инспекция ва ички аудит хизматларининг ходимларига малака сертификати бериш тизими жорий этилади.

Мавзуга оид:

Ўзбекистонда ноқонуний дарахт кесилиши ҳақида хабар берганларга пул тўланади
Табиатга зарар етказганлик ҳақида хабар берган ўзбекистонликлар пул мукофоти олади
Янгиликлар лентаси
0