Россияда 15 кун “регистрациясиз”: ўзбекистонликларга қачондан рухсат берилади

© Sputnik / Igor Zarembo / Медиабанкка ўтишИнформационный щит "Добро пожаловать в Россию"
Информационный щит Добро пожаловать в Россию  - Sputnik Ўзбекистон, 1920, 27.01.2022
Oбуна бўлиш
Россияда 15 кун миграция рўйхатидан ўтмасдан бўлиш тартиби қачондан кучга киради.
ТОШКЕНТ, 27 янв — Sputnik. Президент Шавкат Мирзиёев Ўзбекистон фуқароларига Россияга кирганидан кейин 15 кун давомида миграцион рўйхатдан ўтмасдан туриб Россия ҳудудида бўлишга рухсат беришга доир битимни тасдиқлади.
Худди шундай қоида Ўзбекистонга кирувчи россияликларга ҳам тегишли бўлади.
Ўзбекистон раҳбари тегишли қарорни 20 январ куни имзолади. Бироқ ҳужжат ҳали кучга кирмади.
Ўзбекистоннинг Москвадаги элчихонасида Sputnik мухбирига унинг тартиби ҳақида маълумот берилди.
“Ҳужжат дипломатик каналлар орқали томонлар зарур давлат ички тартиб-қоидалари бажарилганлиги тўғрисида охирги ёзма хабарнома олинган кундан эътиборан кучга киради”, — дейишди дипломатик идорада.
Мирзиёев Россия билан битимни тасдиқлаш ҳақидаги фармонни имзолаганида, Ўзбекистон томони уларни бажариб бўлди.
Энди Россия ўз томонидан бундай процедурани амалга оширилиши керак.
“Ўзбекистон Россия томони унинг кучга кириши учун зарур бўлган давлат ички процедураларини бажарганлиги тўғрисида билдиришнома олган кундан бошлаб битим кучга киради”, — деб тушунтиришди элчихонада.
Ҳозирги кунда Беларус, Қозоғистон, Қирғизистон, Тожикистон ва Арманистон фуқароларига миграция рўйхатидан ўтиш учун 15 кунлик муддат белгиланган.
Россия ИИВга кўра, янги қоидалар Россияга келаётган Ўзбекистон фуқаролари сонининг кўпайишига ва миграция назорати самарадорлигининг пасайишига олиб келмайди.
Янгиликлар лентаси
0