Таътил узайтирилгани ўқитувчиларнинг маошига таъсир қиладими

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон, 1920, 10.01.2022
Oбуна бўлиш
Халқ таълими вазирлиги қишки таътилнинг 24 январгача узайтирилгани ўқитувчиларнинг маошига қандай таъсир қилиши ҳақидаги саволга жавоб берди.
ТОШКЕНТ, 10 янв — Sputnik. Халқ таълими вазирлиги (ХТВ) қишки таътил узайтирилгани ўқитувчиларнинг маошига таъсир қиладими деган саволга жавоб берди.
“Умумтаълим муассасалари ўқувчилари учун бериладиган қўшимча таътил кунлари давомида халқ таълими тизимида фаолият юритаётган педагог ва бошқа ходимларга амалдаги иш ҳақи тўловлари сақланган ҳолда тўлаб борилади, яъни ойлик маошга таъсир қилмайди”, - дейилган вазирлик хабарида.
Аввалроқ Ўзбекистонда мактаб ўқувчилари учун қишки таътил муддати 2022 йил 24 январга қадар узайтирилгани хабар қилинган эди. Бу қарор ўқувчилар ўртасида мавсумий грипп касаллигининг кескин кўпайишининг олдини олиш мақсадида қабул қилинган.
Айрим тоифадаги ўқитувчи ва шифокорларнинг маоши камида 15 фоизга оширилади
Таътил кунлари давомида ўқувчилар учун онлайн фан олимпиадалар, интеллектуал ўйинлар, китобхонлик маданиятини ривожлантиришга қаратилган беллашувлар ва турли танловлар ташкил этилади.
Янгиликлар лентаси
0