Россияга Афғонистонда қандай ҳукумат керак? - Замир Қобулов жавоб берди

© Sputnik / Нина Зотина / Медиабанкка ўтишСпециальный представитель президента РФ по Афганистану, директор второго департамента Азии МИД РФ Замир Кабулов
Специальный представитель президента РФ по Афганистану, директор второго департамента Азии МИД РФ Замир Кабулов - Sputnik Ўзбекистон, 1920, 20.11.2021
Oбуна бўлиш
Россия Афғонистон билан бизнес қилишга тайёр, лекин бунинг учун у ерда мустақил, Россияга дўстона кайфиятли ҳукумат керак.
ТОШКЕНТ, 20 ноя – Sputnik. Россияга Қобулда қандай ҳукумат керак деган саволга Россия ТИВининг Иккчи Осиё бўлими бошлиғи, Афғонистон бўйича Россия президентининг махсус вакили Замир Кабулов жавоб берди. Спутник Афғонистон "Россия 24" телеканали хабрига асосан.
“Россия Афғонистонда қатор иқтисодий лойиҳаларда иштирок этишга тайёр, лекин бу асосийси эмас, Россияга Афғонистонда мустақил, ўз фикрига эга бўлган ва Россияга нисбатан дўстона муносабатда бўлган ҳукумат керак”, - деди Замир Қобулов.
Шунингдек, Россия ТИВ вакили Толибонни танқид қилиш керак эмаслигини ва улар давлатни бошқаришни энди ўрганаётганини борасида фикр билдирди.
"Толибонни давлат бошқарувида тажрибаси йўқликда айблаб танқид қилиш керак эмас, ахир уларнинг давлат бошқарувида тажрибаси йўқ. Улар 20 йил давомида уруш олиб боришди. Улардан олдин Америка томонидан тайинланган маъмурият ҳам бунинг уддасидан чиқмади", - деди Қобулов.
Шундай экан, Толибон* давлатни бошқариш қўлидан келадиганларга топширса нима бўлади?
Ушбу мавзуда Толибон* билан кенгайтирилган учлик давлатлари (Россия, АҚШ, Хитой ва Покистон) олиб бормоқда. Уларни барча этник ва сиёсий кучлар вакиллари ёрдамида мамлакатни тиклашга кўндиришга ҳаракат қилишмоқда.
Замир Қобулов айтишига кўра, Толибон* ҳукумат бошига келганига бор-йўғи 3 ой бўлди. Шунинг учун улар ҳокимиятни ҳеч ким билан “бўлишишни” исташмаяпти. Буни ҳам “тушунса бўлади”.
Лекин бу ерда жавобгарлик масаласи ҳам бор. Нафақат давлат учун балким ўз хавфсизлиги учун ҳам. Агар толибларда ўзини-ўзи асраб қолиш инстинкти бўлса – улар бизнинг таклифимизга охири рози бўлади, - дейди Қобулов.
Хулоса қилиб шуни айтиш мумкинки, Россия ТИВи Толибон* бошқаруви остидаги Афғонистонга собиқ сиёсий ва этник раҳбарлардан айримларининг қайтишига умид қилмоқда.
Маълумот учун, қиш тобора яқинлашиб келаркан, Афғонистон гуманитар инқироз ёқасига яқинлашмоқда. Хусусан ушбу мамлакатда 18 миллион киши қишда озиқ-овқат ва иссиқлик етишмаслигидан азият чекиши кутилмоқда. Халқаро “Қизил хоч” жамияти раҳбари Петер Майер айтишига кўра, “Афғонистонга қанча инсонпарварлик ёрадми жўнатилмасин – у давлат бошқарувининг ўрнини боса олмайди”.
* Террорчилик фаолияти учун БМТ санкциялари остида бўлган ташкилот
Янгиликлар лентаси
0