Гибрид вакциналаш нима? Атабеков жавоби

© Sputnik / Дильшода РахматоваЗамначальника Службы санитарно-эпидемиологического благополучия и общественного здоровья (СЭС) Узбекистана Нурмат Отабеков
Замначальника Службы санитарно-эпидемиологического благополучия и общественного здоровья (СЭС) Узбекистана Нурмат Отабеков - Sputnik Ўзбекистон, 1920, 30.10.2021
Oбуна бўлиш
Нурмат Атабеков ревакцинация нима, гибрид вакцинация нима эканлигини ва Ўзбекистонда бундай вакцинаашга рухсат берилганми-йўқми - жавоб берди.
ТОШКЕНТ, 30 окт - Sputnik. Ўзбекистонда қайта вакциналаш ва турли вакциналарни аралаштиришга рухсат берилганми? Ушбу саволга Коронавирусга қарши курашиш штаби аъзоси Нурмат Отабеков жавоб берди.

"Бунда аввало бир нарсани тушунишимиз керак, вакцинация нима, ревакцинация нима? Биз бирон бир касалликка қарши эмлаш жараёнини бошлаган ва якунлаган бўлсак, биз вакцинация қилинганмиз, эмланганмиз деган тушунчага эга бўламиз.
Главный сан инспектор Узбекистана - Нурмат Отабеков  - Sputnik Ўзбекистон, 1920, 29.10.2021
Коронавируснинг янги “АY.4.2” штаммидан ҳимояланиш учун нима қилиш керак - Атабеков жавоби
Қачонки касаллик бир неча маротаба эмлашни талаб қиладиган бўлса, ревакцинация деган ибора қўлланилади. Лекин тиббиётда биринчи маротаба олган вакцинани вакцинация, кейинги эмлашни эса ревакцинация деб ҳам юритилади. Шундай экан қачонки одам у ёки бу вакцина билан ҳозирги даврдаги талабга асосан 1-2 ёки 3 маротаба эмланса, шу вакцинани олиб бўлган бўлса, демак у тўлиқ эмланган ҳисобланади.
Бир вакцина билан эмланиб орадан бироз муддат ўтгандан кейин бошқа вакцина билан эмланиш ҳақида ҳали ҳеч қанақа кўрсатма мавжуд эмас. Жаҳон соғлиқни сақлаш ташкилоти ҳам бирон бир кўрсатма бергани йўқ.
Яна битта жиҳат, бир вакцина билан эмланиб, кейинги босқичларни бошқа вакциналар билан давом эттириш ҳақида ҳам ҳали тартиб ишлаб чиқилмаган. Бу ҳолат дунё тиббиётида гибрид вакцинация дейилади.
Ҳозир ЖССТ бу ҳақида ўйлаяпти. Негаки, вакциналарнинг таъминотидаги узилишлар муаммоларнинг юзага келишига сабаб бўляпти. Шу нуқтаи назардан ҳадемай бу каби гибрид вакцинацияга ҳам рухсат берилса ажабмас. Кутилаётган рухсатга асосан қайси вакцинани қандай кетма-кетлик ва оралиқда, қай йўсинда эмлаш мумкинлиги ҳақида ҳужжат пайдо бўладиган бўлса, биз буни кенг жамоатчиликка маълум қиламиз ва барча тиббиёт ходимларига етказамиз", - деб жавоб берди ушбу саволга Атабеков.
Маълумот учун, турли вакциналарнинг "Спутник Лайт" билан комбинацияси юқори самарадорлик кўрсатгани ҳақида биз олдин хабар берган эдик. Хусусан, дунёда илк бор Аргентинада ўтказилган тадқиқотда AstraZeneca, Moderna ва Sinopharm вакциналарининг "Спутник Лайт" билан комбинацияси қўлланилиши натижалари ҳақида қуйидаги мақолада батафсил танишишингиз мумкин.
Вакцина Спутник Лайт - Sputnik Ўзбекистон, 1920, 14.10.2021
Турли вакциналарнинг "Спутник Лайт"билан комбинацияси юқори самарадорлик кўрсатди
Янгиликлар лентаси
0