https://sputniknews.uz/20211006/aqsh-sheriklari-bilan-birga-rossiyaga-navalniy-boyicha-savollar-yolladi-20790286.html

АҚШ шериклари билан бирга Россияга Навальний бўйича саволлар йўллади

АҚШ шериклари билан бирга Россияга Навальний бўйича саволлар йўллади

Sputnik Ўзбекистон

АҚШ ва яна 44 мамлакат Кимёвий қуролларни тақиқлаш ташкилотининг навбатдаги мажлисида Навальний билан боғлиқ воқеа бўйича Россияга саволлар йўллашди 06.10.2021, Sputnik Ўзбекистон

2021-10-06T14:52+0500

2021-10-06T14:52+0500

2021-10-06T14:52+0500

дунёда

навальний

https://cdn1.img.sputniknews.uz/img/07e5/02/02/15921421_0:0:1145:645_1920x0_80_0_0_39de259e80439d635a3e60385179e899.jpg

ТОШКЕНТ, 6 окт – Sputnik. АҚШ ва яна 44 мамлакатлар Кимёвий қуролларни тақиқлаш ташкилоти (КҚТТ) линияси бўйича муҳолифатчи Алексей Навальний билан боғлиқ ҳодиса бўйича Россияга саволлар рўйхатини юборишди ва 10 кун ичида жавобни кутиб қолишади. Бу ҳақда АҚШ давлат департаменти маълумотига таяниб РИА Новости хабар бермоқда."Бугун Гаага шаҳрида АҚШ ва яна 44 та давлат Россия Федерациясига жаноб Алексей Навальнийнинг ўтган йили РФ ҳудудида заҳарланиши юзасидан саволларни тақдим этишди", - дейилади пресс-релиз матнида.“Кимёвий қуролларни тақиқлаш конвенцияси қоидаларига кўра Россия мазкур саволларга 10 кун ичида жавоб юбориши керак”, – дейилган ҳужжатда.Саволлар тақдимоти Кимёвий қуролларни тақиқлаш ташкилоти ижроия кенгашининг 98-мажлиси очилишига бағишланган.Ўтган йилнинг 20 августида Навальний Томскдан қайтаётганда самолётда ўзини ёмон ҳис қилгач, ҳаво кемаси Омск шаҳри аэропортига фавқулодда қўнган ва бемор шифохонага олиб борилган эди. Биринчи кўрик хулосаларига кўра шифокорлар Навальнийга "моддалар алмашинуви бузилиши натижасида қондаги шакар миқдорининг кескин ўзгариши" ташхисини қўйишган. Бунга нима сабаб бўлган, ҳали номаълум, лекин омсклик шифокорларга кўра, Навальний қони ва пешобида заҳарли моддалар аниқланмаган.Кейинчалик Навальний самолётда Германияга кўчирилди. Бу воқеалардан сўнг ГФР расмийлари ҳарбий шифокорларга таяниб, Навальний организмидан "Новичок" гуруҳига мансуб жанговар заҳар излари топилгани ҳақида хабар берди. Сал кейин ГФР Вазирлар Маҳкамаси германиялик экспертлар хулосаларини Швеция ва Франция лабораторияларида ўтказилилган текширувлар ҳам тасдиқлаганини хабар қилишди. Шу билан бир вақтнинг ўзида қўшимча тарзда Берлин сўровига асосан Кимёвий қуролларни тақиқлаш ташкилоти бу йўналишда ўз тадқиқотларини олиб бораётганини маълум қилди. Кремль бу воқеалар юзасидан Берлин бундай хулосалар тўғрисида Москвага ҳеч қандай маълумот тақдим қилмагани ҳамда ушбу воқеа юзасидан РФ ТИВ томонидан юборилган расмий сўровга жавоб кутаётганини айтди: хусусан, бир ой ичида Россия Навальний воқеаси юзасидан Берлинга 3 та ҳуқуқий ёрдам сўровини юборган ва уларга ҳанузгача жавоб олинмаган. Навальный касалхонага ётқизилган куниёқ прокуратура ва полиция ўз текширувларини бошлаб юборишган эди.ГФР Ҳукумати илгарироқ, Германиянинг BND махфий хизмати 1990 йилларда "Новичок" заҳарли жанговар моддадан фойдалана олиш имконитига эга бўлганини инкор этмаган.Сал олдин РФ Ташқи разведка хизмати (ТРХ) директори Сергей Нарышкин "Навальний иши"да жуда кўп номувофиқликлар борлигини, аммо ТРХ аслида нима рўй бергани борасида ҳақиқатнинг бир қисминигина билишини айтган эди.Шунингдек, Россия ТИВ Навальний билан боғлиқ вазиятга изоҳ бераётган хорижий сиёсатчиларга халқаро ҳуқуқни ҳурмат қилишни ва ўз давлатлари муаммолари билан шуғулланишни маслаҳат берган бўлса, Россия ТИВ раҳбари Сергей Лавров Ғарб сиёсатчиларининг бу мавзудаги баёнотлари "бир хил қолипда" бўлаётганини таъкидлаганди. Ўз навбатида, Россия президенти матбуот-котиби Дмитрий Песков Кремль Навальний ҳақида чет элдан янграётган баёнотларга қулоқ тутиш ниятида эмаслигини айтганди.Россия ТИВ Навальний воқеасидан бир йил ўтиб, бу ҳодиса мақсади аввал бошдан Россияни обрўсизлантиришга қаратилганини, у Ғарб томонидан давлатни тийиб туриш ва унга қарши янги ҳужумларни амалга ошириш учун амалга оширилган режали провокация бўлганини маълум қилди. Вазирлик таъкидига кўра, Берлин РФга қўйилган айбловларни текшириб кўриш имконини берувчи ҳеч қандайдалилларни тақдим этмаган ва КҚТТ Москванинг ёрдам сўровини "бир четга ўраб қўйиб" иш қўзғатилишига тўсқинлик қилган.

https://sputniknews.uz/20200122/OZKhO-mozharosi--arbning-zidan-zi-al-blib-ketmaydigan-muammolarining-aksi-13278350.html

https://sputniknews.uz/20210118/Navalniy-bilan-boli-olat-byicha-zhinoyat-ishini-zatishga-asos-y-Lavrov-15813454.html

https://sputniknews.uz/20210908/ogirlangan-milliardlar-hisobiga-volkov-qochqin-bankir-bilan-birga-aqshda-kompaniya-ochdi-20413340.html

2021

Янгиликлар

uz_UZ

дунёда, навальний