Толиблар Эмомали Раҳмонни танқид қилишди

© Sputnik / Владимир Астапкович / Медиабанкка ўтишТабличка на столе представителей движения "Талибан"
Табличка на столе представителей движения Талибан - Sputnik Ўзбекистон, 1920, 30.09.2021
Oбуна бўлиш
Ҳаракат вакилли Иномулла Самангоний Twitter ижтимоий тармоғида Тожикистон президенти Эмомали Раҳмон юритаётган сиёсатга нисбатан ўз мулоҳазаларини билдирди
ТОШКЕНТ, 30 сен — Sputnik. Афғонистоннинг янги ҳукумати - "Толибон"* ҳаракати вакиллари Тожикистон президенти Эмомали Раҳмонни мамлакатда демократия тақчиллиги учун танқид қилди, деб хабар бермоқда Sputnik Тожикистон.
Тожикистон номига кескин фикрлар ҳаракат вакили Иномулло Сомонгоний томонидан ижтимоий тармоқларда эълон қилинган. У Twitterда Тожикистон президенти Эмомали Раҳмон сиёсатига баҳо берган.
Ситуация в Афганистане после смены власти - Sputnik Ўзбекистон, 1920, 28.09.2021
Толиблардан янги қоидалар: афғон аёлларига европача соч турмаклатиш ман этилди
"У 27 йилдан бери президентлик қилади, яна олти йил шу вазифани бажаради ва ундан кейин, эҳтимол, яна президент лавозимида қолади. У раҳбарлик қилаётган мамлакатда сайловларда иштирок этишга бешта партияга рухсат берилган ва уларнинг барчаси ҳукуматпараст партиялардир. Ва бу ҳурматли инсон Афғонистонда сайловларни ўтказиш борасида бизга маслаҳат солмоқчи", — деб ёзган Сомонгоний.
Толиблар бундан олдин ҳам икки маротаба Тожикистонни танқид қилган эди. Ҳафта бошида Афғонистоннинг янги сайланган ҳукумати бош вазирининг биринчи ўринбосари Абдул-Ғани Бародар Тожикистонни Афғонистоннинг ички ишларига аралашишда айблаган эди.
Сўнгра, бош вазирнинг иккинчи ўринбосари Абдул-Салом Ханафий Тожикистон президенти Эмомали Раҳмоннинг Афғонистонда янги инклюзив ҳукумат яратиш лозимлиги ҳақидаги сўзларини қоралади. У Раҳмонга АИР ички ишларига аралашмасликни маслаҳат бериб, акс ҳолда, Тожикистон шунга яраша муносабатга рўбаро бўлишини қўйишма қилди.
* РФда тақиқланган террорчилик ташкилоти.
Янгиликлар лентаси
0