Айрим ҳудудларда алоҳида солиқ режими жорий этилди

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон, 1920, 15.09.2021
Oбуна бўлиш
Алоҳида ҳудудларга Сўх тумани, Риштон туманининг Чўнғара маҳалласи, Фарғона туманининг Шоҳимардон, Ёрдон маҳаллалари ва Ҳосилот маҳалласининг Тоштепа – 2 кўчаси киритилган.
ТОШКЕНТ, 15 сен – Sputnik. Президент Шавкат Мирзиёев “Ўзбекистон Республикасининг Солиқ кодексига ўзгартиш ва қўшимчалар киритиш тўғрисида”ги қонунга имзо чекди, деб хабар бермоқда Адлия вазирлиги.
Киритилган кўшимчаларга кўра, айрим ҳудудларда солиқ солишнинг алоҳида тартибини назарда тутувчи солиқ режими киритилди.
Алоҳида ҳудудлар қуйидагилардан иборат:
Фарғона вилоятининг Сўх тумани;
Риштон туманининг Чўнғара маҳалласи;
Фарғона туманининг Шоҳимардон, Ёрдон маҳаллалари ва Ҳосилот маҳалласининг Тоштепа – 2 кўчаси.
Айрим ҳудудларда солиқ ставкалари қуйидаги миқдорларда белгиланади:
фойда ва даромад солиғи бўйича – 1 фоиз;
тадбиркорлар учун ҳар чоракда 25 минг сўм;
ижтимоий солиқ бўйича:
юридик шахслар учун – 1 фоиз;
якка тартибдаги тадбиркорлар учун – йилига БҲМнинг камида 1 баравари;
айланмадан олинадиган солиқ бўйича – 1 фоиз (2021 йил 1 январдан юзага келадиган муносабатларга нисбатан ҳам қўлланилади).
Давлат органлари солиқ солиш объектларига оид маълумотларни солиқ органларига реал вақт режимида электрон шаклда тақдим этади.
Калькулятор на куче денег - Sputnik Ўзбекистон, 1920, 09.09.2021
Мирзиёев: 2023 йилдан ҚҚС 12 фоизга туширилади
Янгиликлар лентаси
0