Туризмни биргаликда ривожлантирайлик - Қозоғистон ва Қирғизистон таклифлари
12:21 24.06.2021 (янгиланди: 13:29 24.06.2021)
© Sputnik / Дильшода Рахматова
Oбуна бўлиш
Туркий тилли давлатлар орасида биргаликда сайёҳлик дастурлари ва умумий туристик харита тузиш – Қозоғистон ва Қирғизистон таклифлари.
ТОШКЕНТ, 24 июн – Sputnik. Бугун Қўқонда бўлиб ўтаётган туркий тилли давлатларнинг туризм вазирлари кенгашида Қозоғистон ва Қирғизистон туризм соҳаси вазирлари биргаликда туристик йўналишларни ривожлантириш ва туризмни тарғиб этишни таклиф қилишди. Sputnik мухбири хабарига асосан.
Хусусан Қозоғистон маданият ва спорт вазири А. Раимқулова “Буюк Ипак йўли” йўналиши бўйича биргаликда туристик маҳсулотлар ишлаб чиқиш, ҳамкорликнинг асосий йўналиши бўлиши мумкинлигини алоҳида айтиб ўтди.
1.
Хусусан, Ўзбекистон билан биргаликда ишлаб чиқилган, “Олма – Ота – Тараз – Чимкент – Туркистон – Тошкен – Самарқанд – Бухоро – Хива” туристик йўналиши мисол қилиб кўрсатилди. 2.
Ундан ташқари, икки давлат туроператорларини биргаликда ишлаш учун фаол жалб қилиш; 3.
Шунингдек, туркий тилли давлатлар орасида “Яшил коридорни” кенгайтириш ва визасиз давлатлар сонини ошириш; 4.
ЮНЕСКО ва ЕИнинг қўшма лойиҳаси “Афғонистон, Марказий Осиё ва Эронда Ипак Йўли меъроси” лойиҳасида фаол иштирок этишга таклиф қилди. 
Қирғизистон иқтисодиёт ва молия вазири ўринбосари С.М. Рысалиев щз навбатида қуйидагиларни таклиф этди:
Турк дунёсининг туристик харитасини тузиш ва унда туркий тилли давлатларнинг бадавлат маданий меъросини акс эттириш;
Қирғиз бренди – “Умумжаҳон кўчманчилар ўйинлари” потенциалидан туркий тилли давлатларда туризмни ривожлантириш учун фойдаланиш. 2022 йилда Туркияда бўлб ўтадиган 4-Кўчманчилар ўйинлари туризм соҳасида ҳамкорликни янада ривожлантиради;
Ўзбекистоннинг, зиёрат туризми ташаббусини қўллаб-қувватлаш, биргаликда қўшма дастурлар ишлаб чиқиш;
Буюк Ипак йўли бўйлаб туризмни ривожлантириш. Қирғизистон ҳудудида Ўш, Узген, Жалол-Обод, Тўқмоқ, Бишкек, Талас ва бошқа тарихий шаҳарлар ушбу йўл бўйида бўлган;
Туркий тилли давлатлар ҳудудида янги темир йўллар қуриш, жумладан "Ўзбекистон – Қирғизистон – Хитой" темир йўлини;
Туркий тилли давлатлар орасида турли транспорт алоқаларини ривожлантириш, йўл бўйи инфратузилма объектларини қуриш;
Маълумот учун, Қўқонда 23-24 июн кунлари “Туркий тилли давлатлар ҳамкорлик кенгаши Туризм вазирларининг VI йиғилиши бўлиб ўтмоқда. Унда Ўзбекистон, Қирғизистон, Қозоғистон, Туркия, Озарбайжон ва Венгрия туризм соҳаси вазирлари иштирок этмоқда.
