https://sputniknews.uz/20210617/aholining-jismoniy-tayyorgarlik-darajasini-baholash-tizimi-joriy-etiladi-19282797.html

Аҳолининг жисмоний тайёргарлик даражасини баҳолаш тизими жорий этилади

Аҳолининг жисмоний тайёргарлик даражасини баҳолаш тизими жорий этилади

Sputnik Ўзбекистон

“Аҳолининг жисмоний тайёргарлик даражасини баҳолаш тизимини жорий этишнинг ташкилий чора-тадбирлари тўғрисида”ги президент қарори қабул қилинди. 17.06.2021, Sputnik Ўзбекистон

2021-06-17T14:26+0500

2021-06-17T14:26+0500

2023-04-05T15:48+0500

жамият

ўзбекистон

спорт

https://cdn1.img.sputniknews.uz/img/952/67/9526723_0:17:1200:692_1920x0_80_0_0_b990a9165b3dfe7f2d7e57f432f2c2f1.jpg

ТОШКЕНТ, 17 июн — Sputnik. “Аҳолининг жисмоний тайёргарлик даражасини баҳолаш тизимини жорий этишнинг ташкилий чора-тадбирлари тўғрисида”ги президент қарори қабул қилинди. Қарорга кўра, 2021 йил 1 августдан Аҳолининг жисмоний тайёргарлик даражасини баҳолаш тизими жорий этилади. Баҳолаш тизими бўйича спорт синовлари махсус ва ихтиёрий равишда аҳолининг етти ёшдан етмиш ёшгача бўлган қатлами ва ундан катталарнинг жисмоний тайёргарлигини аниқлайди.Спорт синовлари 15 турдаги машқлардан иборат бўлади.Иштирокчиларга 11 та ёш тоифаси бўйича эгаллаган ўрни ва даражасига қараб спорт разрядлари ва унвонлари берилади.Спорт синовларини муваффақиятли топширган шахслар учун “Жисмоний тайёргарлик даражаси” кўкрак нишони таъсис этилади. Шунингдек, улар ёш кўрсаткичларидан келиб чиқиб 1 йил мобайнида қуйидаги имтиёзлардан фойдаланади:- сафарбарлик чақируви резервидаги ҳарбий хизмат тўловининг 50 фоизини чегирма билан тўлайди ва муддатли ҳарбий хизматга биринчилар қаторида устунлик билан юборилади;- махсус талабларни бажарган ғолибларга (I ўрин) “Темурбеклар мактаби”га тест синовларисиз танловдан ташқари ўқишга киради;- бепул тарзда давлат туман (шаҳар) кўп тармоқли тиббиёт муассасасида бир марталик чуқурлаштирилган тиббий кўрикдан ўтади;- махсус талабларни бажарган ғолибларга (I ўрин) умумий фойдаланишдаги давлат йўловчи ташиш шаҳар транспортида бепул ҳамда ҳудудлараро ҳаракатланишда 50 фоиз чегирмали тўлов билан имтиёзли юриш ҳуқуқи берилади (такси, шу жумладан йўналишли такси мустасно);- фарзандлари яшаётган жойдаги мактаб, боғча, шунингдек, ёзги соғломлаштириш оромгоҳларига навбатсиз жойлаштирилади;- барча давлат органлари ва ташкилотларининг ходимларига иш жойи ҳисобидан дам олиш масканлари ва санаторийларга бепул йўлланмалар тақдим этилади;- республика миқёсида ишга ёки ўқишга қабул қилинишида жисмоний тайёргарлик талаб этиладиган имтиҳон (ОТМ спорт йўналишларидан ташқари), синов, амалий машғулотларда устунлик (имтиҳонда максимал балл ёки амалий машғулотлардан озод қилиниши) берилади.2021 йил 1 августгача спорт синовларининг платформаси (www.jtdss.uz) ва ягона электрон базаси фаолияти йўлга қўйилади.

https://sputniknews.uz/20210410/turizm-va-sport-vazirligiga-qator-tayinlovlar-amalga-oshirildi-18259312.html

https://sputniknews.uz/20201012/Zhismoniy-tarbiya-va-sport-vaziriga-yangi-rinbosar-tayinlandi-15169629.html

https://sputniknews.uz/20180925/Toshkentda-ommaviy-badantarbiya-mashgulotlari-otkazildi-9527386.html

ўзбекистон

2021

Янгиликлар

uz_UZ

жамият, ўзбекистон, спорт