Мирзиёев Раҳмонни Тошкентга таклиф этди
15:19 10.06.2021 (янгиланди: 15:21 10.06.2021)
Oбуна бўлиш
Душанбедаги “Қасри Миллат” қароргоҳида Шавкат Мирзиёев ва Эмомали Раҳмоннинг тор доирадаги учрашуви бўлиб ўтди.
ТОШКЕНТ, 10 июн — Sputnik. Ўзбекистон президенти Шавкат Мирзиёев тожикистонлик ҳамкасби Эмомали Раҳмонни ўзи учун қулай вақтда жавоб ташрифи билан Ўзбекистонга боришга таклиф этди. Давлат раҳбари ушбу таклифни Душанбе шаҳридаги “Қасри Миллат” қароргоҳида бўлиб ўтган тор доирадаги учрашувда билдирди.
Шавкат Мирзиёев 10-11 июнь кунлари Тожикистонга расмий ташриф билан келди. Раҳмон уни аэропортда шахсан ўзи кутиб олди. Кейин давлат раҳбарлари “Қасри Миллат” қароргоҳига йўл олишди. У ерда олий мартабали меҳмон шарафига фахрий қоровул саф тортди, икки мамлакат давлат мадҳиялари янгради. Президентлар бир бирига расмий делегация аъзоларини таништирди. Фахрий қоровул тантанали марш билан давлат раҳбарлари олдидан ўтди.
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Президенты Узбекистана и Таджикистана Шавкат Мирзиёев и Эмомали Рахмон
Президент Узбекистана Шавкат Мирзиёев
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Официальная церемония встречи президента Узбекистана Шавката Мирзиёева в резиденции "Касри Миллат" в Душанбе
Президенты Узбекистана и Таджикистана Шавкат Мирзиёев и Эмомали Рахмон
Президент Узбекистана Шавкат Мирзиёев
Шундан сўнг Шавкат Мирзиёев ва Эмомали Раҳмоннинг тор доирадаги учрашуви бошланди. Унда давлат раҳбарлари Ўзбекистон ва Тожикистон стратегик шериклиги ва кўп қиррали ҳамкорлигининг барча жиҳатларини кўриб чиқдилар, сиёсий мулоқотни янада мустаҳкамлаш, савдо-иқтисодий ва инвестициявий ҳамкорликни ривожлантириш, маданий-гуманитар алоқаларни кенгайтиришга алоҳида эътибор қаратдилар.
Марказий Осиёда хавфсизлик, барқарорлик ва изчил тараққиётни таъминлаш, халқаро ва минтақавий тузилмалар доирасида ҳамкорлик қилиш масалалари юзасидан фикр алмашилди.
Мирзиёев ушбу ташрифга жуда жиддий тайёргарлик кўрилганини қайд этди. Ҳудудлар форуми муваффақиятли ўтказилди, қиймати қарийб 700 миллион доллар бўлган аниқ лойиҳа ва шартномалар имзоланди. Биринчи бор Тожикистонда Ўзбекистон киноси кунлари муваффақиятли ўтди.
“Бир сўз билан айтганда, тарихий яқинлигимиз бугун ҳаётга кўчмоқда”, - деди Шавкат Мирзиёев.
Эмомали Раҳмон ушбу ташрифнинг аҳамиятини алоҳида қайд этди. Ўзбекистон Тожикистоннинг стратегик шериги ва ишончли қўшниси эканини урғулади.
“Бугун сиз билан муносабатларимизнинг ҳолати ва истиқболларини ҳамда халқаро ва минтақавий масалаларни муҳокама қилишга тайёрман”, – деб таъкидлади Тожикистон етакчиси.
Учрашувда товар айирбошлаш ҳажмини ошириш, икки мамлакат ҳудудлари салоҳиятини самарали ишга солиш, иқтисодиётнинг турли тармоқларида саноат кооперациясини ташкил этиш бўйича аниқ таклифлар илгари сурилди. Кўп қиррали ҳамкорликнинг янги "ўсиш нуқталари"ни топиш муҳим экани таъкидланди. Шунингдек, парламентлараро алоқалар, маданий-гуманитар алмашинув, барқарорлик ва хавфсизликка нисбатан таҳдид ва хатарларга қарши курашиш борасидаги ҳамкорликни мустаҳкамлаш масалаларига тўхталиб ўтилди.
Президент Шавкат Мирзиёев Ўзбекистон халқи ва ўзи номидан биродар Тожикистонни мустақиллигининг бўлажак 30 йиллиги билан табриклади, тинчлик, фаровонлик ва равнақ тилади.
Шунингдек, у тожикистонлик ҳамкасбини ўзи учун қулай вақтда жавоб ташрифи билан Ўзбекистонга боришга таклиф этди.
