Ёнғин, йўқотишлар, вайроналик: Исроил ва Ғазо секторидаги ўқ ёғдириш оқибатлари

Шарқий Қуддусда Рамазон ойида Ал-Ақсо масжидига ибодат қилишга келган фаластинликларнинг тарқатиб юбориш сабабли юзага келган тартибсизликлар бир неча кун тўхтамади.

Бундан ташқари, фалистинлик оилаларнинг айрим туманларлан кўчириб юбориш қарори намойишчиларнинг ғазабини қўзғади.

Сўнгги йиллар ичидаги энг йирик можаронинг кескинлашишига Шарқий Қуддусдаги воқеалар сабаб бўлди.

Араб миллатига мансуб аҳоли кўп бўлган шаҳарларда норозилик авж олди.

Тез орада кўчадаги тартибсизликлар тўлақонли жанговар ҳаракатлар ва ҳаво ҳужумига айланиб кетди.

Фаластин гуруҳлари Исроил ҳудудига қарата мингдан зиёд ракета учирди.

Исроил ҳам Ғазо секторига қарата зарба берди. Бунинг натижасида 30 нафардан зиёд киши, жумладан, 10 нафар бола ҳалок бўлди.

Ракета ҳужумлари оқибатида беш исроиллик ҳалок бўлган, 200 нафардан зиёди жароҳат олган.

Исроил Мудофаа вазирлиги раҳбари армия тўлиқ сукунат чўкишига қадар зарба беришда давом этишини маълум қилди.

Туркия президенти Ражаб Тоййиб Эрдоған ва Чеченистон етакчиси Рамзан Қодиров Исроилни зўравонликда айблаб, унинг хатти-ҳаракатларини кескин қоралади.

Ўзбекистон ҳам Исроил ва Фаластинни зўравонликка чек қўйишга чақирди. Фаластин-Исроил муаммоси халқаро ҳуқуқ меъёрлари, БМТ Хавфсизлик Кенгаши томонидан аввал қабул қилинган резолюциялар ҳамда “икки халқ учун икки давлат” тамойили асосида ҳал этилиши лозим.

Ўзбекистон Ал-Ақсо масжиди ва Қуддусдаги бошқа муқаддас қадамжоларнинг дахлсизлигини — статус-квога риоя этилишини таъминлаш зарур деб ҳисоблайди.