https://sputniknews.uz/20210315/epidemiologik-vaziyat-17767529.html
МОҚ эпидемиологик вазият кескинлашуви юзасидан тезкор йиғилиш ўтказди
МОҚ эпидемиологик вазият кескинлашуви юзасидан тезкор йиғилиш ўтказди
Sputnik Ўзбекистон
МОҚда республикада эпидемиологик вазиятнинг кескинлашуви юзасидан тезкор йиғилиш ўтказилди. 15.03.2021, Sputnik Ўзбекистон
2021-03-15T19:06+0500
2021-03-15T19:06+0500
2021-04-01T16:46+0500
жамият
ўзбекистон
тошкент
вакцина
миллий олимпия қўмитаси
covid-19 умумжаҳон пандемияси
https://cdn1.img.sputniknews.uz/img/898/29/8982958_0:0:1200:675_1920x0_80_0_0_7335cd36ae55065c8ff33647f64edc1a.jpg
ТОШКЕНТ, 15 мар — Sputnik. МОҚда терма жамоаларни Токио Олимпиадаси ва бошқа йирик мусобақаларга тайёрлаш бўйича Ўзбекистон Миллий олимпия қўмитаси, Олимпия спорт турлари бўйича федерация ва ассоциациялар раҳбарияти иштирокида тезкор йиғилиш бўлиб ўтди. ZOOM платформасида ўтган тадбирда МОҚ Бош котиби Ойбек Касимов, МОҚ раиси ўринбосари Шерзод Ташматов ва барча федерациялар раҳбарияти иштирок этишди. Учрашув аввалида МОҚ қошидаги Республика спорт тиббиёти илмий-амалий маркази директори Абдушукур Садиков эпидемиологик вазият ҳақида тўхталиб ўтди. “Cўнги 10 кун давомида эпидемиологик вазият кескинлашмоқда ва кунлик кўрсаткичлар ўсиб боряпти. Бу ҳолат аввалдан тахмин қилинган эди. Шу боис ўқув-машғулот йиғинларини ўтказаётган федерацияларимиздан спортчиларимизнинг барча қоидаларга қатъий риоя қилишларини назоратга олишни сўраб қоламиз. Аввалги тўлқинда вируснинг яширин ва енгил кўринишини бошимиздан ўтказдик. Унда инфекция 10-15 кун ичида ўпкага ўтиб кетиши аниқланаётган эди. Афсуски, ҳозир тарқалаётган штаммда бу ҳолат узоғи 1 ҳафта ичида намоён бўлмоқда. Шунинг учун эҳтиёткорликни доимгидан ҳам кучайтиришни сўраб қоламиз. Биз тез фурсатда спортчиларимиздан қайта тест олиш жараёнини бошлаймиз”, – деди А.Садиков.Ойбек Касимов спортчиларни вакцинация қилиш борасида берилган саволга қуйидагича жавоб берди:“Спортчиларимизни вакцинация қилишни ўзимиз ҳал қила олмаймиз. Бу борада Халқаро Олимпия қўмитасига расмий мурожаатнома жўнатамиз. ХОҚ ушбу масала юзасидан ўз тавсияларини бергач шу асосда ҳукуматимиз ва Соғлиқни сақлаш вазирлиги билан маслаҳатлашиб, спортчиларимизни эмлаш амалга оширилади. Шу боис юртимизда аҳолини коронавирусга қарши эмлаш бошланган пайт рўйхатда атлетларимиз бўлмаслиги мумкин. Биз бу масалада ХОҚ йўриқномасини инобатга олишимиз шарт”, – деди МОҚ Бош котиби.Онлайн йиғилишда Токио Олимпиадасига йўлланма олган ва лицензия олиши кутилаётган асосий спортчиларда коронавирусга қарши антитаначалар бор-йўқлиги, уларнинг иммун тизими қай ҳолатда эканлигини аниқлаб берувчи таҳлиллар олиниши ҳам таъкидланди.Эндиликда барча терма жамоаларнинг ўқув-машғулот йиғинлари аввалгидек қаттиқ назорат остига олинади. Базада яшайдиган фаррош ва ошпазлардан тортиб, спортчи ва мураббийларнинг ташқи контактдан сақланиши таъминланади.
https://sputniknews.uz/20210315/toshkentda-karantin-talablariga-rioya-qilinishi-qatiy-nazoratga-olinadi-17753167.html
ўзбекистон
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
2021
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
Sputnik Ўзбекистон
info@sputniknews-uz.com
+74956456601
MIA „Rossiya Segodnya“
жамият, ўзбекистон, тошкент, вакцина, миллий олимпия қўмитаси, covid-19 умумжаҳон пандемияси
жамият, ўзбекистон, тошкент, вакцина, миллий олимпия қўмитаси, covid-19 умумжаҳон пандемияси
МОҚ эпидемиологик вазият кескинлашуви юзасидан тезкор йиғилиш ўтказди
19:06 15.03.2021 (янгиланди: 16:46 01.04.2021) МОҚда республикада эпидемиологик вазиятнинг кескинлашуви юзасидан тезкор йиғилиш ўтказилди.
ТОШКЕНТ, 15 мар — Sputnik. МОҚда терма жамоаларни Токио Олимпиадаси ва бошқа йирик мусобақаларга тайёрлаш бўйича Ўзбекистон Миллий олимпия қўмитаси, Олимпия спорт турлари бўйича федерация ва ассоциациялар раҳбарияти иштирокида тезкор йиғилиш бўлиб ўтди.
ZOOM платформасида ўтган тадбирда МОҚ Бош котиби Ойбек Касимов, МОҚ раиси ўринбосари Шерзод Ташматов ва барча федерациялар раҳбарияти иштирок этишди. Учрашув аввалида МОҚ қошидаги Республика спорт тиббиёти илмий-амалий маркази директори Абдушукур Садиков эпидемиологик вазият ҳақида тўхталиб ўтди.
“Cўнги 10 кун давомида эпидемиологик вазият кескинлашмоқда ва кунлик кўрсаткичлар ўсиб боряпти. Бу ҳолат аввалдан тахмин қилинган эди. Шу боис ўқув-машғулот йиғинларини ўтказаётган федерацияларимиздан спортчиларимизнинг барча қоидаларга қатъий риоя қилишларини назоратга олишни сўраб қоламиз. Аввалги тўлқинда вируснинг яширин ва енгил кўринишини бошимиздан ўтказдик. Унда инфекция 10-15 кун ичида ўпкага ўтиб кетиши аниқланаётган эди. Афсуски, ҳозир тарқалаётган штаммда бу ҳолат узоғи 1 ҳафта ичида намоён бўлмоқда. Шунинг учун эҳтиёткорликни доимгидан ҳам кучайтиришни сўраб қоламиз. Биз тез фурсатда спортчиларимиздан қайта тест олиш жараёнини бошлаймиз”, – деди А.Садиков.
Ойбек Касимов спортчиларни вакцинация қилиш борасида берилган саволга қуйидагича жавоб берди:
“Спортчиларимизни вакцинация қилишни ўзимиз ҳал қила олмаймиз. Бу борада Халқаро Олимпия қўмитасига расмий мурожаатнома жўнатамиз. ХОҚ ушбу масала юзасидан ўз тавсияларини бергач шу асосда ҳукуматимиз ва Соғлиқни сақлаш вазирлиги билан маслаҳатлашиб, спортчиларимизни эмлаш амалга оширилади. Шу боис юртимизда аҳолини коронавирусга қарши эмлаш бошланган пайт рўйхатда атлетларимиз бўлмаслиги мумкин. Биз бу масалада ХОҚ йўриқномасини инобатга олишимиз шарт”, – деди МОҚ Бош котиби.
Онлайн йиғилишда Токио Олимпиадасига йўлланма олган ва лицензия олиши кутилаётган асосий спортчиларда коронавирусга қарши антитаначалар бор-йўқлиги, уларнинг иммун тизими қай ҳолатда эканлигини аниқлаб берувчи таҳлиллар олиниши ҳам таъкидланди.
Эндиликда барча терма жамоаларнинг ўқув-машғулот йиғинлари аввалгидек қаттиқ назорат остига олинади. Базада яшайдиган фаррош ва ошпазлардан тортиб, спортчи ва мураббийларнинг ташқи контактдан сақланиши таъминланади.
