https://sputniknews.uz/20210313/zbekistonliklar-dollar-sotib-olishni-kamaytirdi-17729739.html

Ўзбекистонликлар доллар сотиб олишни камайтирди

Ўзбекистонликлар доллар сотиб олишни камайтирди

Sputnik Ўзбекистон

ТОШКЕНТ, 13 мар - Sputnik. Марказий банк 2021 йилда жисмоний шахслар томонидан амалга оширилган операциялар ҳажми ҳақида маълумот чоп этди.

2021-03-13T10:12+0500

2021-03-13T10:12+0500

2021-03-13T10:12+0500

иқтисод

доллар

https://cdn1.img.sputniknews.uz/img/07e4/0c/12/15626566_0:158:3077:1889_1920x0_80_0_0_abd3f19b160bd9cc57fd68dd9e5ac4c0.jpg

ТОШКЕНТ, 13 мар - Sputnik. Марказий банк 2021 йилда жисмоний шахслар томонидан амалга оширилган операциялар ҳажми ҳақида маълумот чоп этди.Февраль ойида жисмоний шахслар томонидан валюта айирбошлаш шахобчалари орқали сотилган чет эл валютаси миқдори 527 миллион АҚШ долларини (январь ойида – 420 миллион АҚШ доллари, ўсиш 25 %), сотиб олиш ҳажмлари эса, 307 миллион АҚШ долларини (январь ойида – 382 млн. АҚШ долл., камайиш 20 %) ташкил этди.Ўз навбатида, февраль ойи давомида жисмоний шахсларнинг чет эл валютасига бўлган таклифи талабга нисбатан 220 млн. АҚШ долларига кўп миқдорда шаклланди.Ҳисобот ойида халқаро пул ўтказмалари орқали республикага келиб тушган валюта маблағлари ҳажми 464 миллион АҚШ долларини ташкил этиб, январь ойи кўрсаткичига нисбатан 37 миллион АҚШ долларига (ёки 9%га) ошган.2021 йил февраль ойида юридик шахслар томонидан чет эл валютасига бўлган талаб январь ойига (1,14 млрд. АҚШ долл.) нисбатан 15 фоизга ўсиб 1,28 млрд. АҚШ долларини ташкил этди.Валюта бозорида чет эл валютасининг асосий қисми (51 фоизи) ишлаб чиқариш учун асбоб-ускуналар, товарлар ва хом-ашё импорти, 27 фоизи – хорижий кредитларни сўндириш, 19 фоизи – халқ истеъмоли товарлари ва дори-дармон маҳсулотлари импорти,2 фоизи – хорижий инвесторлар даромадларининг репатриацияси ва қолган 1 фоизи – бошқа мақсадлар учун харид қилинган.Марказий банкнинг валюта интервенциялариУшбу даврда Марказий банкнинг валюта интервенциялари олтин-валюта захираларининг нейтраллиги принципига асосланган ҳолда амалга оширилди. Бунда, Марказий банк томонидан сотилган чет эл валютасининг соф ҳажми ой давомида сотиб олинган монетар олтин ҳажми доирасида бўлиши таъминланди.Хусусан, ҳисобот ойида Марказий банк томонидан монетар олтин сотиб олиниши натижасида юзага келган қўшимча ликвидлиликни стерилизация қилиш мақсадида 4,1 трлн. сўм эквивалентидаги валюта маблағлари валюта биржасида сотилди.Ҳисобот ойида импортни молиялаштириш манбалари таркибида ички валюта бозорида сотиб олинган маблағлар (конвертация) улуши 57 фоизни, хорижий валютадаги ўз маблағлари улуши 27 фоизни ташкил этди.Ҳисобот даврида миллий валютанинг алмашув курси динамикаси валюта бозоридаги талаб ва таклифнинг жорий нисбатидан келиб чиқиб, ички ва ташқи омиллар таъсирида шаклланди. Хусусан, жорий йил январь-февраль ойлари давомида миллий валюта курси 0,6 фоизга қадрсизланди (йил бошида 10 461 сўм/доллар, февраль ой сўнгида 10 525,5 сўм/доллар).

https://sputniknews.uz/20210313/fevral-oyida-ichki-valyuta-bozoridagi-operatsiyalarning-umumiy-azhmi-4ga-sdi---mb-17729476.html

https://sputniknews.uz/20210208/Minus-zbekistonda-dollar-va-evro-pasaydi-15957132.html

2021

Янгиликлар

uz_UZ

иқтисод, доллар