https://sputniknews.uz/20210225/Abdulaziz-Kamilov-indiston-tashi-ishlar-vaziri-bilan-uchrashdi-16075323.html

Абдулазиз Камилов Ҳиндистон ташқи ишлар вазири билан учрашди

Абдулазиз Камилов Ҳиндистон ташқи ишлар вазири билан учрашди

Sputnik Ўзбекистон

Музокаралар давомида Ўзбекистон-Ҳиндистон кўп қиррали муносабатларининг ҳолати ва ривожланиш истиқболлари, халқаро ҳамда минтақавий тузилмалар доирасидаги... 25.02.2021, Sputnik Ўзбекистон

2021-02-25T14:22+0500

2021-02-25T14:22+0500

2021-02-25T14:22+0500

янгиликлар

https://cdn1.img.sputniknews.uz/img/373/79/3737980_0:62:2511:1482_1920x0_80_0_0_eb835ea7ebc2d37ed9e6571a6d755415.jpg

ТОШКЕНТ, 25 фев - Sputnik. Бугун, 25-феврал куни, Нью-Деҳли шаҳрида амалий ташриф уюштирган Ўзбекистон Ташқи ишлар вазири Aбдулазиз Камилов Ҳиндистон ТИВ раҳбари Субраманям Жайшанкар билан учрашди, деб хабар бермоқда Ўзбекистон ТИВ матбуот-хизмати.Музокаралар давомида Ўзбекистон-Ҳиндистон кўп қиррали муносабатларининг ҳолати ва ривожланиш истиқболлари, халқаро ҳамда минтақавий тузилмалар доирасидаги ўзаро алоқаларнинг долзарб масалалари муҳокама қилинди.Томонлар 2020-йил декабр ойида бўлиб ўтган онлайн-саммит давомида эришилган келишувлар икки давлат ўртасидаги стратегик шерикликни сифат жиҳатидан янги босқичга олиб чиқишга имкон берганлигини мамнуният билан қайд этди.Савдо-иқтисодий ҳамкорликни янада ривожлантириш масалаларига алоҳида эътибор қаратилмоқда. Ўзбекистон иқтисодиётининг турли тармоқларида янги замонавий саноат қувватларини яратишга илғор технологияларни жалб қилиш ҳамда ижтимоий ва инфратузилма аҳамиятига эга лойиҳаларни амалга ошириш йўллари кўриб чиқилди.Ташқи сиёсат идоралари раҳбарлари БМТ, ШҲТ ва бошқа кўп томонлама тузилмалар доирасидаги ўзаро алоқалар, минтақавий хавфсизлик ва барқарорликни таъминлаш масалалари бўйича фикр алмашди.Aфғонистон иштирокидаги "Ҳиндистон – Марказий Осиё" вазирлар мулоқотининг минтақалараро ҳамкорликни жадаллаштириш, унинг механизмларини такомиллаштириш ҳамда Aфғонистонда барқарор тинчликни ўрнатишдаги муҳим аҳамияти алоҳида таъкидланди.Ҳиндистон томони жорий йил Тошкент шаҳрида бўлиб ўтадиган "Марказий ва Жанубий Осиё: минтақавий боғлиқлик. Таҳдидлар ва имкониятлар" мавзусидаги халқаро конференсияга таклиф қилинди.Мулоқот давомида томонларни қизиқтирган бошқа масалалар ҳам муҳокама қилинди.

https://sputniknews.uz/20210119/zbekiston-va-indiston-aviaatnovlarni-tiklash-masalasini-muokama-ildi-15815292.html

https://sputniknews.uz/20201208/indiston-elchisi-zbekistonga-ind-vaktsinalari-aida-akhborot-etkazdi-15557319.html

2021

Янгиликлар

uz_UZ

янгиликлар