ТОШКЕНТ, 28 дек — Sputnik. 11 минг дона “Президент совғаси” Ўзбекистон ҳудудларига жўнатилди. Бу ҳақда Халқ таълими вазирлиги матбуот хизмати хабар қилмоқда.
Меҳрибонлик уйлари тарбияланувчилари, ота-она қаровисиз қолган болалар, ота-оналари Ватан сарҳадларини ҳимоя қилиш йўлида қурбон бўлган 3-15 ёшдаги болалар ҳамда ижтимоий ҳимояга муҳтож оилалар фарзандлари учун 11 000 дона “Президент совғаси” тайёрланиб ҳудудларга юборилмоқда.
![Янги йилда болажонлар президентдан қандай совғалар олади Янги йилда болажонлар президентдан қандай совғалар олади - Sputnik Ўзбекистон](https://cdn1.img.sputniknews.uz/img/07e4/0c/1c/15689964_0:0:1280:719_600x0_80_0_0_07447f5a6ea56fa26ce6eee296028672.jpg)
“Президент совғаси” таркибига 20 турдаги ширинлик, 3 турдаги ўқув қуроллари ва 2 турдаги жиҳозлар киритилган.
Ўзбекистон президенти номидан ҳозирланган совғалар ҳудудий ҳокимликлар иштирокида жорий йилнинг 29-30 декабрь кунлари етказиб берилади.
![Янги йилда болажонлар президентдан қандай совғалар олади Янги йилда болажонлар президентдан қандай совғалар олади - Sputnik Ўзбекистон](https://cdn1.img.sputniknews.uz/img/07e4/0c/1c/15689880_0:0:1280:719_600x0_80_0_0_61b8b86035dd94e44eaff087344971fe.jpg)
Эслатиб ўтамиз, 2020 йилги “Президент арчаси” тадбирлари COVID-2019 билан боғлиқ вазиятни инобатга олган ҳолда болалар соғлигини асраш мақсадида карантин талабларига қатъий риоя этган ҳолда ташкил этилади.