ТОШКЕНТ, 27 дек — Sputnik. Москванинг 60 ёшдан юқори аҳолиси 28 декабрдан коронавирусга қарши эмланиш учун навбатга ёзилишлари мумкин. Бу ҳақда шаҳар мэри Сергей Собянин маълум қилди.
“Россия ССВ кексаларнинг “Спутник V” вакцинаси билан COVID-19га қарши эмланиш имкониятини маъқуллади. Бу ажойиб. Чунки кексалар касалликни ўта оғир бош кечирувчи энг катта хавф гуруҳидир”, - дея ёзди Собянин ўз блогида.
Куни кеча Россия ССВ 60 ёшдан ошган кишиларни эмлаш учун “Спутник V” вакцинасини қўллашни маъқуллаган эди. Экспертиза унинг хавфсиз ва самарадор эканини тасдиқлаган. Унинг самарадорлиги 90 фоизни ташкил этган.
